() ପାଣ୍ଡିଆନ ଜଣେ ଦକ୍ଷ ପ୍ରଶାସକ ଓ ଲୋକଙ୍କୁ ଭଲ ପାଉଥିବା ଜଣେ ମଣିଷ l ଚାକିରୀ ଜୀବନରୁ ତାଙ୍କର ଜନସେବା ସର୍ବଦା ପ୍ରାଥମିକତା ପାଇଛି l ସବୁବେଳେ ଜନତାଙ୍କ ଦୁଃଖ ଦୂର କରିବା ପାଇଁ କାମ କରନ୍ତି l ୨୧ ବର୍ଷ ତଳେ ଭିକେ ପଣ୍ଡିଆନଙ୍କ ଜନସେବା ଆଜି ମଧ୍ୟ ଧର୍ମଗଡ ବାସୀ ଭୁଲି ପାରୁନାହାନ୍ତି l ଯାହାକୁ ଧର୍ମଗଡର ଏକ ଅନାଥ ଆଶ୍ରମରେ ଅନୁଭବ କରିଛନ୍ତି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ (ବବି) l ବିଜେଡି ବରିଷ୍ଠ ନେତୃବୃନ୍ଦଙ୍କ ସହ ଧର୍ମଗଡ଼ ଅନାଥାଶ୍ରମ ପରିଦର୍ଶନ କରିବା ପରେ ଠିକ୍ ଏମିତି ସୋସିଆଲ ମିଡ଼ିଆରେ ଓଡ଼ିଶାବାସୀଙ୍କ ପାଖରେ ଜଣାଇଛନ୍ତି ପ୍ରଣବ l
ମୁଁ ଓ ଦଳର ଅନ୍ୟ ବରିଷ୍ଠ ନେତୃବୃନ୍ଦ ଶ୍ରୀ ନିରଞ୍ଜନ ପୁଜାରୀ, ଶ୍ରୀ ଦିବ୍ୟଶଙ୍କର ମିଶ୍ର, ଶ୍ରୀ ପ୍ରଣବ ବଳବନ୍ତରାୟ ଓ ଶ୍ରୀ ପୁଷ୍ପେନ୍ଦ୍ର ସିଂଦେଓଙ୍କ ସହ ଧର୍ମଗଡ଼ ଅନାଥାଶ୍ରମ ପରିଦର୍ଶନ ଏକ ସ୍ଵତନ୍ତ୍ର ଅନୁଭବ। ପିଲାଙ୍କ ମଧ୍ୟରେ ସେତେବେଳର ଉପଜିଲ୍ଲାପାଳ ଶ୍ରୀ ଭିକେ ପାଣ୍ଡିଆନଙ୍କ ପ୍ରତି ଥିବା ଶ୍ରଦ୍ଧା ଓ ସମ୍ମାନ ବେଶ ଜଣା ପଡୁଥିଲା।୨୦୦୨ରେ ଧର୍ମଗଡ ଭଳି ଦୁର୍ଗମ ଅଞ୍ଚଳର ଏହି ଅନାଥାଶ୍ରମ ଏବଂ ଏଠାରେ ରହୁଥିବା ପିଲାଙ୍କ ସଂପୂର୍ଣ୍ଣ ଦାୟିତ୍ଵ ସେ ନେଇଥିଲେ। ଏତେ ବର୍ଷ ହେଲା ଶ୍ରୀ ପାଣ୍ଡିଆନଙ୍କୁ ସେମାନେ ଭୁଲି ଯାଇ ନାହାନ୍ତି।
ପ୍ରଥମ ଧର୍ମଗଡ଼ ଉତ୍ସବ ଆୟୋଜନଠାରୁ ଆରମ୍ଭ କରି ଚାଷୀଙ୍କୁ ସେମାନଙ୍କ ପ୍ରାପ୍ୟ ପ୍ରଦାନ ପର୍ଯ୍ୟନ୍ତ ଶ୍ରୀ ପାଣ୍ଡିଆନ ଆଗଭର ହୋଇ କାମ କରିଛନ୍ତି। ଏଥିପାଇଁ କଳାହାଣ୍ଡି ଓ ଧର୍ମଗଡ଼ବାସୀ ତାଙ୍କୁ ସେମାନଙ୍କ ନିଜ ମାଟିର ଜଣେ ଅତ୍ୟନ୍ତ ଶୁଭାକାଂକ୍ଷୀ ଭାବେ ସବୁବେଳେ ମନେ ରଖିବେ ନିଶ୍ଚୟ।
