()କରୋନାର ଦ୍ୱିତୀୟ ଲହରୀର ସଂକ୍ରମଣରେ ବ୍ରେକ ଲଗାଇବା ପାଇଁ ରାଜ୍ୟ ସରକାର ଜୋରଦାର ଉଦ୍ୟମ କରିବା ସହ ଅନେକ କଟକଣା ଲଗାଇଛନ୍ତି । ବିଶେଷକରି ସଂକ୍ରମଣ ଗାଁ ମୁହାଁ ହୋଇଥିବାରୁ ଏବେ ସ୍ୱାସ୍ଥ୍ୟ ବିଭାଗର ଫୋକସରେ ଗାଁ । ଘରେ ଘରେ ବୁଲି ସର୍ଭେ କରିବା ସହ ଥଣ୍ଡା,କାଶ,ଜର ଲକ୍ଷଣ ଥିବା ଲୋକଙ୍କୁ ଚିହ୍ନଟ କରିବା ପାଇଁ ଆଶା, ଅନଙ୍ଗବାଡ଼ି ଓ ଗାଁ ମୁଖିଆ ମାନଙ୍କୁ ଦାୟିତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ । ଆଉ ଏହି ଦାୟିତ୍ୱରେ ସ୍ଥାନୀୟ ନିିର୍ବାଚିତ ପ୍ରତିନିଧି ଓ ଛାମୁଆ ସଂଗଠନର କର୍ମକର୍ତ୍ତାମାନଙ୍କର କଣ ଦାୟିତ୍ୱ ରହିବ । ଏହାକୁ ଏବେ ଅଧିକ ଗୁରୁତ୍ୱ ଦେଇଛନ୍ତି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି) । ନିଜ ଜିଲ୍ଳାରୁ ଏହି ଅଭିଯାନକୁ ଜୋରଦାର କରିଛନ୍ତି ସେ । ସଂକ୍ରମଣ ଯେପରି ଜିଲ୍ଲାରେ ଅଧିକ କାୟା ବିସ୍ତାର ନକରିବ ସେନେଇ ପ୍ରତ୍ୟେକ ଦିନ ପ୍ରଣବ ସକାଳ ଓ ସଂନ୍ଧ୍ୟାରେ ଜିଲ୍ଲାର ସମସ୍ତ ବିଧାୟକ, ନିର୍ବାଚିତ ପ୍ରତିନିଧି, ଓ ଛାତ୍ର,ଯୁବ, ମହିଳା ପରି ଛାମୁଆ ସଂଗଠନର କର୍ମକତ୍ତାଙ୍କ ସହ ଆଲୋଚନା କରୁଛନ୍ତି । କରୋନା ରୋଗ ସମ୍ପର୍କରେ ଲୋକଙ୍କୁ କିପରି ଅଧିକ ସଚେତନ କରିବ ହେବ ଓ ସ୍ୱାସ୍ଥ୍ୟସେବା କିପରି ଜିଲ୍ଲାରେ ପ୍ରତ୍ୟେକ ଲୋକଙ୍କ ପାଖରେ ସହଜରେ ପହଞ୍ଚିବ ତାହାକୁ ଫୋକସ କରିଛନ୍ତି ପ୍ରଣବ । ଜିଲ୍ଲା ମୁଖ୍ୟ ଚିକିତ୍ସାଳୟ , ବିଭିନ୍ନ ପଂଚାୟତରେ ରେ ଥିବା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଆଦିର ଭିତ୍ତିଭୂମି ସମୀକ୍ଷା କରିବା ସହ ବିଧାୟକ ଓ ଜନ ପ୍ର୍ରତିନିଧିଙ୍କ ଠାରୁ କଣ ସମସ୍ୟା ରହିଛି ଓ କିପରି ସମାଧାନ କରିହେବ ସେନେଇ ଭର୍ଚୁଆଲ ବୈଠକରେ ଆଲୋଚନା କରୁଛନ୍ତି । କରୋନା ମହାମାରୀ ସମୟରେ ଯେପରି ଜିଲ୍ଳାରେ କେହି ଭୋକିଲା ରହିବେ ନାହିଁ ତାହା ଉପରେ ବୈଠକରେ ବିଶେଷ ଅଲୋଚନା କରାଯାଇଛି । ଯୁବ ଓ ଛାତ୍ର ସଂଗଠନର କର୍ମକର୍ତ୍ତା ମାନେ ରନ୍ଧା ଓ ଶୁଖିଲା ଖାଦ୍ୟ ଲୋକଙ୍କୁ ପ୍ରତ୍ୟେକ ଦିନ ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି ପ୍ରଣବ । ଏହାସହ ରକ୍ତ ଅଭାବକୁ ଦୂର କରିବା ପାଇଁ ରକ୍ତାଦନ ଶିବିରକୁ ବ୍ୟାପକ କରିବାକୁ ବୈଠକରେ ଆଲୋଚନା ହୋଇଛି । ମହାମାରୀ ସମୟରେ ସବୁ ଭୁଲି ଲୋକସେବାରେ ଅଧିକ ସମୟ ଦେବା ପାଇଁ ନେତା ଓ କର୍ମୀଙ୍କୁ ଆହ୍ୱାନ କରିଛନ୍ତି ପ୍ରଣବ । ଏହସହ ପ୍ରତ୍ୟେକ ଶନିବାର ଓ ରବିବାର ଯାଜପୁର ଜିଲ୍ଳାର ବିଭିନ୍ନ ସ୍ଥାନକୁ ଯାଇ ଗ୍ରାଉଣ୍ଡରେ ସ୍ଥିତିର ସମୀକ୍ଷା କରୁଛନ୍ତି । ଏହାସହ ଜିଲ୍ଲାବାସୀ କିପରି କୋଭିଡ଼ ସମୟରେ ଅତ୍ୟାଧୁନିକ ସୁବିଧା ସୁଯୋଗ ନିଜ ଜିଲ୍ଳାରେ ପାଇବେ ସେନେଇ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରି ଯାଜପୁରରେ ସ୍ୱତନ୍ତ୍ର କୋଭିଡ଼ ହସ୍ପିଟାଲର ବ୍ୟବସ୍ଥା କରାଗଲା । ଫଳରେ ଜିଲ୍ଳା ଓ ଆଖପାଖ ଅଂଚଳର ଲୋକମାନେ ଘର ପାଖରେ ଉନ୍ନତ ଚିକିତ୍ସା ପାଇବା ସହ କଟକ ଓ ଭୁବନେଶ୍ୱରକୁ ଯିବାକୁ ପଡ଼ିବ ନାହିଁ ସେ ବ୍ୟବସ୍ଥା କଲେ । ଯାଜପୁରରେ ମଲ୍ଟି ସ୍ପେଶାଲିଷ୍ଟ ହସ୍ପିଟାଲ ସରକାର କୋଭିଡ଼ ହସ୍ପିଟାଲ ଭାବରେ କାମ କରିବ ଏବଂ ରୋଗୀମାନେ ସେଠାରେ ମାଗଣାରରେ କୋଭିଡ଼ ଚିକିତ୍ସା ପାଇ ପାରିବେ । ଏହି ନୂତନ ହସ୍ପିଟାଲରେ ୧୫୦ ଟି ଅକ୍ସିଜେନ ସଂଯୁକ୍ତ ବେଡ଼ ସହିତ ୫୦ଯି ଂଜଯ ବେଡ଼ ମଧ୍ୟ ରହିଛି । ମୁଖ୍ୟମନ୍ତ୍ରୀ ଜିଲ୍ଲାବାସୀଙ୍କ ପାଇଁ ଏପରି ଘୋଷଣାକୁ ଜିଲ୍ଳାର ସମସ୍ତ ବିଧାୟକ ଓ ଜିଲ୍ଳାବାସୀ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି । ସବୁବେଳେ ଯାଜପୁରବାସୀଙ୍କ ସୁଖ ଓ ଦୁଃଖର ସାଥି ହୋଇ ଛିଡ଼ାହୋଇଛନ୍ତି ପ୍ରଣବ । ଖାସ ସେଥିପାଇଁ କ୍ଷମତା, ପଦପଦବୀ ଠାରୁ ବହୁ ଦୂରରେ ରହି ସେ ଜନସେବାରେ ସବୁବେଳେ ଲାଗିପଡ଼ିଛନ୍ତି ।
