ଯାଜପୁର: କେହି ଭୋକିଲା ରହିବେନି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଆହ୍ନାନ ଦେଇଛନ୍ତି ତାହାକୁ ଅକ୍ଷରେ ଅକ୍ଷରେ ଗ୍ରାଉଣ୍ଡରେ ପାଳନ କରୁଛି ବିଜେଡ଼ି । କୋରାପୁଟରୁ ମୟୁରଭଞ୍ଜର ଓ ଭୁବନେଶ୍ୱରରୁ -ଯାଜପୁର । ୩୦ଟି ଜିଲ୍ଲାରେ ଏହି ଅଭିଯାନ ଜୋରଦାର କରିଛି ବିଜେଡ଼ି । ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ(ବବି) ଏହାର ମଙ୍ଗ ଧରିଛନ୍ତି । 
ମହାମାରୀ ସମୟରେ ଓଡ଼ିଶାର କୌଣସି ଲୋକ ଯେମିତି ଭୋକିଲା ନ ରହିବେ ତାହାକୁ ସେ ଗୁରୁତ୍ୱ ଦେଇଛନ୍ତି । ଗରିବ ଲୋକଙ୍କୁ ସାହାର୍ଯ୍ୟ ଓ ସହଯୋଗ କରିବା ପାଇଁ ସେ କର୍ମୀ ଓ ନେତାଙ୍କୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ କାମରେ ଲଗାଇଛନ୍ତି । ଏବେ ଯାଜପୁର ନିର୍ବାଚନୀ ମଣ୍ଡଳୀର ଅନ୍ୟ ଜିଲ୍ଲାପାଇଁ ଉଦାହରଣ ସାଜିଛି । 
ମହାମାରୀ ସମୟରେ ନିଜ ଜୀବନକୁ ବାଜିରେ ଲଗାଇ ବବି ବିଗ୍ରେଡ଼ ପୁରା ନିର୍ବାଚନୀ ମଣ୍ଡଳୀରେ ଜନସେବାରେ ଲାଗିଛି । ଅସାହୟ, ଗରିବ ଲୋକଙ୍କୁ ଖାଦ୍ୟ ଯୋଗାଉଛନ୍ତି । କେବଳ ସେତିକି ନୁହେଁ, କରୋନା ମହାମାରୀରୁ କିପରି ଦୂରେଇ ରହିବେ , ସେନେଇ ଲୋକଙ୍କୁ ସଚେତନ ମଧ୍ୟ କରାଉଛନ୍ତି । ଘର ଘର ବୁଲି ଲୋକଙ୍କ ଭଲ ମନ୍ଦ ବୁଝିବା ସହ ଲୋକଙ୍କ ସମସ୍ୟା ସମାଧାନ କରୁଛନ୍ତି । ବିଶେଷ କରି ଯୁବ ଓ ଛାତ୍ର ବିଗ୍ରେଡ଼ ଭୂତାଣୁ କବଳରୁ ଲୋକଙ୍କୁ ରକ୍ଷା କରିବା ପାଇଁ ମାସ୍କ, ସାନିଟାଇଜର, ଗାମୁଛା ଯୋଗାଇ ଦେଉଛନ୍ତି । ଯାଜପୁର ନିର୍ବାଚନୀ ମଣ୍ଡଳୀର ଦଶରଥପୁର ବ୍ଲକରେ ବିିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ଆଦର୍ଶରେ ଅନୁପ୍ରାଣିତ ହୋଇ ମଙ୍ଗଳପୁର ବଜାର,ମଙ୍ଗଳପୁର ଥାନା, କନିକାଡ଼ାରେ କରୋନା ବିରୋଧରେ ଲଢେଇ କରିବା ପାଇଁ ସହାୟକ ସାଜିଥିବା ସାମଗ୍ରୀ ଲୋକଙ୍କୁ ବାଣ୍ଟିଥିଲେ ।
କେବଳ ସେତିକି ନୁହେଁ । ଏହାସହ ନିର୍ବାଚନ ମଣ୍ଡଳୀର ବୁଲା ଗାଇ, ଗୋରୁ , କୁକୁରମାନଙ୍କୁ ମଧ୍ୟ ଖାଦ୍ୟ ଦେଉଛନ୍ତି । ମହାମାରୀ ସମୟରେ ଯେମିତି ଜୀବଜନ୍ତୁମାନେ ଖାଦ୍ୟର ଅଭାବରେ ଡ଼ହଳ ବିକଳ ନ ହୁଅନ୍ତି ତାହା ଉପରେ ବି ଗୁରୁତ୍ୱ ଦେଇଛନ୍ତି ଛାତ୍ର ଓ ଯୁବନେତାମାନେ । ପୁରା ଜିଲ୍ଲାରେ ବିଧାୟକ ପ୍ରଣବ ପ୍ରକାଶଙ୍କ ଦିଗ ଦର୍ଶନରେ ଚାଲଥିବା ଏହି ସେବା କାର୍ଯ୍ୟର ନେତୃତ୍ୱ ନେଇଛନ୍ତିି ଯୁବ ବିିଜେଡ଼ି ନେତା ତଥା ପୂର୍ବତନ ପୌରାଧକ୍ଷ ଭବ ପ୍ରସାଦ ଦାସ । 
ରାଜ୍ୟରେ କରୋନା ମହାମାରୀ ସମୟରେ ଯେମିତି ରକ୍ତ ଅଭାବ ନ ଦେଖାଦିଏ ସେନେଇ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ବିିଜେଡ଼ି ସ୍ୱତନ୍ତ୍ର ରକ୍ତଦାନ ଅଭିଯାନ ଆରମ୍ଭ କରିଛି । ଜିଲ୍ଲାସ୍ତରରେ ତାହାକୁ ବି ବିଧାୟକ ପ୍ରଣବ ପ୍ରକାଶ ଦାସ ବିଶେଷ ଗୁରୁତ୍ୱ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ରକ୍ତ ଅଭାବକୁ ମେଣ୍ଟାଇବା ପାଇଁ ୟଙ୍ଗ ବିଗ୍ରେଡ଼ ମାନଙ୍କୁ ବ୍ୟାପକ ରକ୍ତଦାନ ଶିବିରି କରିବାକୁ ପ୍ରଣବ ଆହ୍ନାନ କରିଛନ୍ତି । ଯାଜପୁର ନିର୍ବାଚନୀ ମଣ୍ଡଳୀରେ ଓଡ଼ିଶା -ମୋ ପରିବାର ଓ ଅଶୋକ ଦାସ ଫାଉଣ୍ଡେସନ ପକ୍ଷରୁ ପ୍ରତ୍ୟେକ ରବିବାର ରକ୍ତଦାନ ଶିବିର ଆୟୋଜନ କରାଯାଇ ଜିଲ୍ଲାର ରକ୍ତଅଭାବ ଦୂର କରାଯାଉଛି । ଖୋଦ ପ୍ରଣବ ମଧ୍ୟ ଅନେକ ସମୟରେ ନିଜେ ରକ୍ତଦାନ କରି ଯୁବପିଢିଙ୍କୁ ଉତ୍ସାହିତ କରୁଛନ୍ତି ରକ୍ତଦାନ କରିବା ପାଇଁ । ସବୁ ଜନସେବାକୁ ଅଧିକ ତ୍ୱାରାନୀତି କରିବା ପାଇଁ ପ୍ରତ୍ୟେକ ଦିନ ଭର୍ଚୁଆଲ ମାଧ୍ୟମରେ ବୈଠକ କରି ଯୁବ ଓ ଛାତ୍ରନେତାଙ୍କୁ ସେ ଉତ୍ସାହିତ କରୁଛନ୍ତି । 
ରାଜ୍ୟବ୍ୟାପୀ ଚାଲିଥିବା ରକ୍ତଦାନ ଶିବିରରେ ଯାଜପୁର ଜିଲ୍ଲାର ବଡ଼ଭାଗ ରହିଛି ସେ ପ୍ରତିଶ୍ରୃତି ପ୍ରଣବଙ୍କୁ ଦେଉଛନ୍ତି ଯୁବ ଓ ଛାତ୍ରନେତାମାନେ । ସାରା ଓଡ଼ିଶାକୁ ନିଜର ପରିବାର କହୁଥିବା ମୁଖ୍ୟମନ୍ତ୍ରୀଙ୍କ ଓ ବିଜୁ ଜନତା ଦଳ ଯେ ଜନସେବା ପାଇଁ ଉତ୍ସର୍ଗିକୃତ ତାହା ପ୍ରଣବଙ୍କ ନିର୍ବାଚନୀ ମଣ୍ଡଳୀରୁ ଆରମ୍ଭ କରି ପୁରା ଓଡ଼ିଶାରେ ବିଜେଡ଼ିର ସେବା ଅଭିଯାନ ପ୍ରମାଣିତ କରୁଛି । ମାନବ ସେବା ହିଁ ମାଧବ ସେବା ଏକଥାକୁ ବିଜେଡ଼ି ଯୁବ ଓ ଛାତ୍ରନେତାମାନେ ଯେମିତି ମୁ୍ଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଠାରୁ ଭଲଭାବରେ ଶିଖିଛନ୍ତି ।
