ଯାଜପୁର : ଓଡ଼ିଶାରେ ଆଞ୍ଚଳିକ ଦଳର ଆବଶ୍ୟକ ଥିଲା ଓ ବିଜୁ ଜନତା ଦଳ ସେ ଦାୟିତ୍ୱ ନେଇ କାମ କରୁଛି l ଲୋକେ ଯାହା କହିବେ ସେପରି ବିଜେଡି ଶାସନ ଚାଲିବ l କାରଣ ବିଜେଡିର ମାଲିକ ହେଉଛନ୍ତି ଲୋକେ l ସେଥିପାଇଁ ଦଳ ସବୁବେଳେ ରାଜ୍ୟର ସ୍ୱାର୍ଥ ଓ ବିକାଶ ପାଇଁ କାମ କରୁଛି l 10ବର୍ଷ ହେବ ରାଜ୍ୟର ସ୍ୱାର୍ଥ ଓ ହକ ପାଇଁ ଲଢେଇ ମଧ୍ୟ କରୁଛି l ସେଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଭାରତ ବର୍ଷ ରାଜନୀତିରେ ଓଡ଼ିଶା ଏକ ବିନ୍ଦୁ l ବିନ୍ଦୁରୁ ସାଗର l ରାଜ୍ୟରେ ଦେଶର ରାଜନୀତି କଥା ଯେତିକି ଲୋକଙ୍କୁ କହିବକଥା ତାହାଠାରୁ ଗୁରୁତ୍ୱ ପୁର୍ଣ ହେଲା ମୋ ରାଜ୍ୟର କିପରି ବିକାଶ ହେବ ସେ କଥା ଆଲୋଚନା କରିବା l ସବୁବେଳେ କେନ୍ଦ୍ରରେ ଯିଏ ସରକାର ରହିଲେ ସେମାନେ ଓଡିଶାକୁ ତାର ହକ ଠିକ ଦେଲେ ନାହିଁ l ଅଧିକ ଅର୍ଥ ନେଇ କମ ଅର୍ଥ ଦେଉଛନ୍ତି ଓଡିଶାକୁ l ତଥାପି କହୁଛନ୍ତି ଆମେ ସବୁ ଦେଉଛୁ l ପଚାରିଲେ କହୁଛନ୍ତି 5ହଜାର କୋଟି ମାଗିଥିଲ ଆମେ ବକେୟା ଅର୍ଥ 1ହଜାର କୋଟି ଦେଲୁ l ସେ କୋଇଲା ରୟାଲିଟି ହେଉ କି ରେଳବାଇ ଅବା ଧାନ ସବସିଡ଼ି ସବୁଥିଲେ କେନ୍ଦ୍ର ଓଡିଶାକୁ ତାର ପ୍ରାପ୍ୟ ସଠିକ ଦେଉନାହିଁ l ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ l ତେଣୁ ଯେଉଁମାନେ ଗାଁ ପିଣ୍ଡାରେ ବସି କେନ୍ଦ୍ର ସରକାର ଉପରେ ବଡ ବଡ କଥା କହୁଛନ୍ତି ସେମାନଙ୍କୁ ପ୍ରଶ୍ନ କର କାହିଁକି ଆମକୁ ଆମ ହକ ଦେଉନାହାନ୍ତି l ଆମକୁ ଆମ ହକ ଦେଲେ ବିକାଶ କାମ ଆହୁରୀ ଅଧିକ ହୋଇପାରନ୍ତା l ଆଜି ଯାଜପୁରରେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଏପରି କହି ତେରେଛା ବାଣ ମାରିଛନ୍ତି କେନ୍ଦ୍ରକୁ l ଯାଜପୁର ଜିଲ୍ଲା ଦଶରଥପୁର ବ୍ଲକ୍ ଜୟନ୍ତରା ପଂଚାୟତ କାର୍ଯ୍ୟାଳୟ ଗୃହ ଉଦଘାଟନ ଅବସରରେ ଅନୁଷ୍ଠିତ ସଭାରେ ପ୍ରଣବ ଏପରି କହିବା ସହ ଆଗକୁ ଜିଲ୍ଲାରେ ନିଜ ପଂଚାୟତ ଓ ଗାଁ ବିକାଶ ପାଇଁ ସଭିଏଁ ଏକଜୁଟ ହେବାକୁ ଆହ୍ୱାନ କରିଛନ୍ତି l ରାଜ୍ୟ ସରକାର ସବୁବେଳେ ବିକାଶ କୁ ଫୋକସ କରିଛନ୍ତି l ଆଉ ଏହି ବିକାଶ ଧାରାରେ ତାଳଦେଇ ଚାଲିଛି ଯାଜପୁର l ଏହାସହ ରାଜ୍ୟରେ ଏଥର ଧାନ ସଂଗ୍ରହ 25ପ୍ରତିଶତ ଅଧିକ ହୋଇଛି ଓ ରାଜ୍ୟ ସରକାର ଗୋଟି ଗୋଟି କରି ସବୁ ଚାଷୀଙ୍କ ଧାନ କିଣିବେ ବୋଲି ସେ କହିଛନ୍ତି l ଏହାସହ କେନ୍ଦ୍ର ଧାନ ସଂଗ୍ରହରେ ଏଯାଏ ରାଜ୍ୟକୁ ସବସିଡି ବାବଦକୁ 6ହଜାର 40କୋଟି ଟଙ୍କା ଦେଇନାହିଁ l ହେଲେ ଓଡ଼ିଶାର ଏହି ହକ ପାଇଁ ବିଜେପି ଲଢେଇ ନକରି ସମ୍ବଲପୁରରେ ଚାଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛି ବୋଲି ପ୍ରଣବ କହିଛନ୍ତି l ଯାଜପୁର ଜିଲ୍ଲାରେ ଏବେ ସ୍ୱାସ୍ଥ୍ୟ,ଶିକ୍ଷା, ଗମନାଗମନ, ଯୋଗାଯୋଗ, ପର୍ଯ୍ୟଟନ ସବୁ କ୍ଷେତ୍ରରେ ବିକାଶ ଦେଖିବାକୁ ମିଳୁଛି l ଦଶରଥପୁରର ଜୟନ୍ତରା ପାଂଚୟତ ବ୍ଲକର ପ୍ରଥମ ପଂଚାୟତ ଭାବେ କାର୍ଯ୍ୟାଳୟ ଆଜି ବିଧାୟକ ଉଦଘାଟନ କରିଛନ୍ତି । ବିଧାୟକଙ୍କ ଉଦ୍ୟମ କ୍ରମେ ଏହାର ପାଖରେ କଲ୍ୟାଣମଣ୍ଡପ, ପାଂଚୟତ ଭବନ ନିର୍ମାଣ କାର୍ଯ୍ୟ ଜାରି ରହିଛି । ଏପରିକି ପାଂଚୟତ ପାଚେରୀ ନିର୍ମାଣ ପାଇଁ ବିଧାୟକ ଅର୍ଥ ମଂଜୁରୀ କରି ସାରିଛନ୍ତି ।ଆଜିର ଉଦଘାଟନୀ କାର୍ଯ୍ୟକ୍ରମ ପୂର୍ବରୁ ବିଧାୟକଙ୍କୁ ଶତାଧିକ ବିଜେଡି କର୍ମୀ ବାଇକ ରାଲି ଯୋଗେ ପାଛୋଟି ନେଇଥିବା ବେଳେ ଜୟନ୍ତରା ପଂଚାୟତରେ ପଦଯାତ୍ରା କରିଥିଲେ ବିଧାୟକ । ବିଧାୟକଙ୍କ ଉଦ୍ୟମ କ୍ରମେ ଜୟନ୍ତରା ପରି ବନ୍ୟା ଦ୍ୱାରା ପ୍ରଭାବିତ ଅଂଚଳରେ ପ୍ରଶ୍ୱସ୍ତ ନଦୀ ବନ୍ଧ, ଭଦ୍ରକକୁ ଯୋଗାଯୋଗ ପାଇଁ ବ୍ରିଜ ଓ ଅନ୍ୟାନ୍ୟ ସମସ୍ତ ସୁବିଧାସୁଯୋଗ ଲୋକେ ପାଉଛନ୍ତି l ବିଧାୟକଙ୍କ ନୂତନ ଯାଜପୁର ଗଠନର ଲକ୍ଷ୍ୟ ଆଗାମୀ ଦିନରେ ସଫଳ ହେବାକୁ ଯାଉଛି । ଯାହାର ପ୍ରତିଛବି ଏବେ ଯାଜପୁରର ନୂତନ ରୂପ ରେଖକୁ ସ୍ପଷ୍ଟ ଅନୁମାନ କରି ହେଉଛି ।
ପ୍ରଥମରୁ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ କହିଥିଲେ ଯେ ସାରା ଓଡ଼ିଶାରେ କିପରି ମା ମାନଂକର ଉନ୍ନତି ହେବ ଓ ସେମାନେ କିପରି ଭଲରେ ରହିବେ ସେ ଦିଗରେ ଆମ ସମସ୍ତଙ୍କୁ କାମ କରିବାକୁ ହେବ l ମୁଖ୍ୟମନ୍ତ୍ରୀ ସବୁବେଳେ ମହିଳାମାନଂକ ବିକାଶ କିପରି ହେବ ଓ ମହିଳାମାନେ ସବୁ କ୍ଷେତ୍ରରେ କିପରି ଆଗରେ ରହିବେ ତାହା ଉପରେ ଗୁରୁତ୍ୱ ଦେଇଛନ୍ତି l ଯେଉଁ ଦିଗରେ ବିଜେଡି କାମ କରୁଛି l
