() ସେ ଲୋକଙ୍କ ନେତା । ସବୁବେଳେ ଓ ସବୁ ସମୟରେ ଲୋକଙ୍କ ସହ ରହନ୍ତି । ଲୋକଙ୍କ ସୁଖ ଓ ଦୁଃଖ ସମୟରେ ପରିବାର ସଦସ୍ୟଭାବେ ସାମିଲ ହୋଇ ସାହସ ଦିଅନ୍ତି । କଥା କମ , କାମରେ ବିଶ୍ୱାସ ରଖିଛନ୍ତି ସେ । ରାଜ୍ୟବାସୀ ପ୍ରତି ଯେତେବେଳେ କୌଣସି ବିପଦ ଆସେ ସେ ଚିନ୍ତିତ ହୋଇପଡ଼ନ୍ତି । ଲୋକଙ୍କୁ ବିପଦ ମୁଖରୁ ରକ୍ଷା କରିବା ପାଇଁ ଦିନରାତି ସବୁ ଭୂଲି କାମରେ ଲାଗିପଡ଼ନ୍ତି । ସାଢେ ଚାରିକୋଟି ଓଡ଼ିଆଙ୍କ ଭାଇ ସାଜି ବିପଦରେ ସାତ ଦିଅନ୍ତି । ମହାନଦୀରେ ବନ୍ୟା ମାଡ଼ି ଆସୁଥିବାରୁ ମୁଖ୍ୟମନ୍ତ୍ରୀ ପୁରା ପ୍ରଶାସନ କଳ ସଫଳତାର ସହ ବନ୍ୟାକୁ ମୁକାବିଲା କରିଛନ୍ତି । ବନ୍ୟାର ବିପତ୍ତିରୁ ରକ୍ଷା କରିବା ପାଇଁ ପ୍ରଶାସନର ସହ ଦଳୀୟ ସଂଗଠନକୁ ମୁକାବିଲାରେ ଲଗାଇଛନ୍ତି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ(ବବି) । ବନ୍ୟା ପୂର୍ବରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାସ୍ତରିତ କରିବାରେ ପ୍ରକ୍ରିୟା ନିଜ ଜିଲ୍ଲାରୁ ଆରମ୍ଭ କରିଛନ୍ତି l ନିଜେ ଗ୍ରାଉଣ୍ଡରେ ରହି ଲୋକଙ୍କ ସମସ୍ୟା ଓ ଆବଶ୍ୟକତା ପଚାରି ବୁଝିଛନ୍ତି l ଏହାସହ 
ବନ୍ୟା ହେଲେ ପ୍ରଭାବିତ ପାଖରେ କିପରି ରିଲିଫ ପହଞ୍ଚିବ ତାହା ଉପରେ ଗୁରୁତ୍ୱ ଦେଇଛନ୍ତି l ବିଶେଷକରି ଅଧିକ ପ୍ରଭାବିତ ହୋଇଥିବା ତଳିଆ ଅଂଚଳ ଗୁଡ଼ିକ ଉପରେ ଅଧିକ ଫୋକସ ଦେଇଛନ୍ତି l ଲୋକଙ୍କ ସମସ୍ୟା ବୁଝିବା ସହ ଶୁଖିଲା ଖାଦ୍ୟ ଓ ରିଲିଫ ଯୋଗାଇ ଦେବାକୁ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ଯେହେତୁ ଲଗାଣ ବର୍ଷା ଜାରୀ ରହିଛି ତେଣୁ ପ୍ରଭାବିତ ଅଂଚଳ ବୁଲି ଲୋକଙ୍କ ସମସ୍ୟା ବୁଝିବା ସହ ଯୁଦ୍ଧକାଳୀନ ଭିତ୍ତିରେ ପୁନଉଦ୍ଧାର କାମ କିପରି ହେବ ସେନେଇ ପ୍ରଶାସନ ସହ ଆଲୋଚନା କରିଛନ୍ତି । କେବଳ ସେତିକି ନୁହେଁ, ପୁରା ବିଜେଡ଼ି ସଂଗଠନକୁ ରିଲିଫ କାମରେ ସାମିଲ କରି ଲୋକଙ୍କ ଦୁଃଖ ବୁଝିବାକୁ ନିର୍ଦ୍ଦେଶ ଦେଇଛନ୍ତି । ବନ୍ୟା ବିପଦ ସମୟରେ ଯେପରି କୌଣସି ଲୋକ ବା ପରିବାର ଦୁଃଖରେ ନରହିବେ ତାହା ଉପରେ ପ୍ରଣବ ଗୁରୁତ୍ୱ ଦେଇଛନ୍ତି । ପ୍ରଣବଙ୍କ ସହ ଯୁବ ବିଜେଡି ନେତା ଭବ ପ୍ରସାଦ ଦାସ ଓ ଯାଜପୁର ବିଜେଡି ନେତୃବନ୍ଦ ସାମିଲ ହୋଇଥିଲେ l
