()ପୁଣିଥରେ ନିଜ ରାଜ୍ୟରେ ସବୁଠୁ ଲୋକପ୍ରିୟ ମୁଖ୍ୟମନ୍ତ୍ରୀ ହେଉଛନ୍ତି ନବୀନ ପଟ୍ଟନାୟକ। ନିଜ ରାଜ୍ୟରେ ତାଙ୍କୁ ମିଳିଛି ସର୍ବାଧିକ ସମର୍ଥନ। ଇଣ୍ଡିଆ ଟୁଡେ ପକ୍ଷରୁ ହୋଇଥିବା ମୁଡ୍ ଅଫ୍ ଦ ନେସନ୍ ସର୍ଭେରେ ଏହା ପ୍ରକାଶ ପାଇଛି l ଜନସେବାକୁ ମୂଳମନ୍ତ୍ର କରି ନବୀନ ପଟ୍ଟନାୟକ ଦିନରାତି ଏକକରି ଓଡ଼ିଶାବାସୀଙ୍କ ସେବା କରୁଛନ୍ତି l 
ସେଥିପାଇଁ ଓଡ଼ିଶାବାସୀ ତାଂକୁ ଏତେ ଭଲ ପାଇବା ଦେଇଛନ୍ତି l କୋଭିଡରେ ଓଡିଶାର ଲୋକମାନେ ଭୁବନେଶ୍ଵର ଆସିପାରିଲେନି l ସେଥିପାଇଁ ମୁଖ୍ୟମନ୍ତ୍ରୀ ସିଏମଓକୁ ଲୋକଂକ ପାଖକୁ ପଠାଇ ଲୋକଂକ ସମସ୍ୟା ଶୁଣିଲେ ଓ ସମାଧାନ କଲେ l ୫ଟି ଅଧକ୍ଷ କାର୍ତ୍ତିକ ପାଣ୍ଡିଆନ ୧୪୭ନିର୍ବାଚନୀ ମଣ୍ଡଳୀ ବୁଲିଲେ l ଲୋକଙ୍କ ସୁଖ ଦୁଃଖର ସାଥି ହେଲେ l ଲୋକମାନେ ଯାହା ସମସ୍ୟା କହିଲେ ତାହାର ସମାଧାନ କଲେ l କାଲି ମୁଖ୍ୟମନ୍ତ୍ରୀ ପେନସନ ବୃଦ୍ଧି କରିଛନ୍ତି l କାରଣ ୫ଟି ଅଧ୍ୟକ୍ଷ ଜିଲ୍ଲାବୁଲିବା ସମୟରେ ଲୋକମାନେ ଏକଥା କହୁଥିଲେ l ତାହା ପୂରଣ କରାଗଲା ବୋଲି ରେଢ଼ାଖୋଲ ସାଧାରଣ ସଭାରେ କହିଥିଲେ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ (ବବି) l 
ଏହାସହ ବିଜେଡି ସରକାର କଥାରେ ନୁହେଁ କାମରେ ବିଶ୍ୱାସ କରେ ବୋଲି କହି ପ୍ରଣବ କେନ୍ଦୁପତ୍ର ତୋଳାଳୀଙ୍କ ଦାବି କଥା ଉଠାଇ ଉଦାହରଣ ଦେଇଥିଲେ l କହିଲେ ଆପଣାମାନେ ଯେତେବେଳେ ଯାହା କହିଛନ୍ତି ତାହାକୁ ମୁଖ୍ୟମନ୍ତ୍ରୀ ପୂରଣ କରିଛନ୍ତି l ହେଲେ ବାରମ୍ବାର ଜିଏସଟି କଥା ଦାବି କରୁଛନ୍ତି ଏକଥା ପୂରଣ କାହିଁକି ହୋଇପାରୁନି ବୋଲି କହି ପ୍ରଣବ କେନ୍ଦ୍ରକୁ ତେରେଛା ବାଣ ମାରିଥିଲେ l ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ପ୍ରତ୍ୟେକ ଓଡ଼ିଆ କିପରି ଉପକୃତ ହେବେ ତାହାକୁ ଗୁରୁତ୍ବ ଦେଇଥିଲେ । ମୁଖ୍ୟମନ୍ତ୍ରୀ ଓଡିଶାବାସୀଙ୍କୁ ନିଜର ପରିବାର ସଦସ୍ୟ କରିଛନ୍ତି l ସେଥିପାଇଁ ବିଭିନ୍ନ ଯୋଜନା କରି ଲୋକଙ୍କ ପାଖରେ ତାହାକୁ ପହଞ୍ଚାଉଛନ୍ତି ବୋଲି ପ୍ରଣବ କହିଥିଲେ l ନୂଆ ଓଡ଼ିଶା, ସଶକ୍ତ ଓଡ଼ିଶା ଗଠନ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ରୂପାନ୍ତରିତ ଓଡ଼ିଶା ନିର୍ମାଣ କରିଚାଲିଛନ୍ତି ସେଥିରେ ବଡ଼ ଭୂମିକା ରହିଛି ଆପଣମାନଙ୍କର ବୋଲି ରେଢ଼ାଖୋଲ ସଭାରେ ପ୍ରଣବ କହିଥିଲେ l କେବଳ ସଭାରେ ନୁହେଁ, ଗ୍ରାଉଣ୍ଡକୁ ଯାଇ ଦଳୀୟ ନେତା ଓ କର୍ମୀଙ୍କ ସହ ଘନଘନ ବୈଠକ ଓ ଆଲୋଚନା କରି ଦଳୀୟ ସଂଗଠନକୁ ମଜଭୁତ କରିବା ସହ ଚଳଚଞ୍ଚଳ କରୁଛନ୍ତି । ଅଧିକରୁ ଅଧିକ ସମୟ କିପରି ଜନସେବାରେ ବିଜେଡି ନେତା ଓ କର୍ମୀ ଦେବେ ସେନେଇ ପ୍ରଣବ ଦଳୀୟ କର୍ମୀ ଓ ନେତାଙ୍କୁ ଗୁରୁମନ୍ତ୍ର ଦେଉଛନ୍ତି । ଜିଲ୍ଲାସ୍ତରରେ ବିକାଶମୂଳକ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ସହ ବିରୋଧୀଙ୍କ ଅପ୍ରଚାରକୁ ରୋକିବା ପାଇଁ ଗ୍ରାଉଣ୍ଡକୁ ଯାଇ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛନ୍ତି ପ୍ରଣବ ।
ଆଗକୁ ୨୦୨୪ ସାଧାରଣ ନିର୍ବାଚନ l ଦେଶରେ ଲମ୍ବା ସମୟର ମୁଖ୍ୟମନ୍ତ୍ରୀ ରହିବାର ରେକର୍ଡ଼ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରତ୍ୟେକ ଓଡ଼ିଆଙ୍କ ପାଇଁ ଏହା ଗର୍ବର କଥା । ୨୪ ନିର୍ବାଚନରେ ବଡ଼ ବିଜୟ ମିଶନରେ କାମ କରୁଛି ବିଜେଡି। ବିଜେଡ଼ି ପ୍ରତି ଲୋକଙ୍କ ଭରଷା ଓ ବିଶ୍ବାସ ମଧ୍ୟ ଆଜିର ଦିନରେ ଅତୁଟ ରହିଛି । ବିଭିନ୍ନ ଜାତୀୟ ଗଣମାଧ୍ୟମରେ ଓଡ଼ିଶାରେ ପୁଣି ନବୀନ ଓ ପୁଣି ବିଜେଡ଼ି ସର୍ଭେ ରିପୋର୍ଟ ପ୍ରକାଶ ପାଇଛି । ଜନସେବା ସହ ନିର୍ବାଚନୀ ପ୍ରସ୍ତୁତିକୁ ମଧ୍ୟ ମିଶନ ମୋଡ଼ରେ ନେଇଛି ଦଳ । ଆଉ ଏସବୁକୁ ନବୀନଙ୍କ ନିର୍ଦ୍ଦେଶରେ ଗ୍ରାଉଣ୍ଡରେ ବାସ୍ତବରୂପ ଦେଉଛନ୍ତି ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଓ ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ ।
