() ବ୍ରଜରାଜନଗର ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି ନିର୍ବାଚନ କମିଶନ । ମେ ୩୧ ତାରିଖ ଦିନ ଉପ ନିର୍ବାଚନ ହେବ । ପଂଚାୟତ ଓ ପୌର ନିର୍ବାଚନରେ ଏକ ପାଖିଆ ବିଜୟ ପରେ ଶାସକ ବିଜେଡିର ଦଖଲରେ ଥିବା ବ୍ରଜରାଜନଗର ଆସନରେ ପୁଣିଥିରେ ବଡ଼ ବିଜୟରେ ନିର୍ବାଚନୀ ବୈତରଣୀ ପାର ହେବାକୁ ରଣନୀତି ପ୍ରସ୍ତୁତ କରିଛି ବିଜେଡ଼ି । ମୁଖ୍ୟମମନ୍ତ୍ରୀ ନବୀନ ପଟ୍ଟନାୟକଙ୍କ ନିଦ୍ଦେଶରେ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ଝାରସୁଗୁଡ଼ାରେ ଉପ ନିର୍ବାଚନ ଲାଗି ଆରମ୍ଭ କରିଛନ୍ତି ନିର୍ବାଚନୀ ରଣନୀତି । ସବୁ ନିର୍ବାଚନରେ ବିଜେଡିର ବଡ଼ ବିଜୟ ପଛରେ ତୃଣମୂଳ କର୍ମୀଙ୍କ ଭୂମିକା ବେଶ ଗୁରୁତ୍ବପୂର୍ଣ୍ଣ। ଉପ ନିର୍ବାଚନ ନେଇ କର୍ମୀମାନଙ୍କ ମତ କଣ ରହିଛି । କଣ କଲେ ବ୍ରଜରାଜନଗର ଆସନରେ ବିଜେଡି ବଡ ବିଜୟରେ ଜିତିବ । ଏନେଇ ଝାରସୁଗୁଡ଼ାରେ କର୍ମୀମାନଙ୍କୁ ଗୁରୁମନ୍ତ୍ରୀ ଦେଇଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ । ପ୍ରଣବ କହିଥିଲେ ଯେ ଆମ ପାଇଁ ସବୁ ନିର୍ବାଚନ ଗୁରୁତ୍ବପୂର୍ଣ୍ଣ। ଦଳ ସବୁବେଳେ ନିର୍ବାଚନ ପ୍ରସ୍ତୁତିରେ ଥାଏ। ରାଜ୍ୟବାସୀ ଆମକୁ ଯେଉଁ ଭଲ ପାଇବା ଓ ଆର୍ଶୀବାଦ ଦେଉଛନ୍ତି ତାହାକୁ ଆମେ ସମ୍ମାନ ଦେବା । ଲୋକଙ୍କ ଭଲ ପାଇବା ଆମକୁ ଋଣୀ କରିଦେଇଛନ୍ତି । ୨୦୧୯ ସାଧାରଣ ନିର୍ବାଚନରେ ବ୍ରଜରାଜନଗରବାସୀ ସେହି ଭଲପାଇବା ଓ ଆର୍ଶୀବାଦ ପୂର୍ବତନ ବାଚସ୍ପତି ଆମ ଦଳର ବରିଷ୍ଠ ନେତା ସ୍ବର୍ଗତ କିଶୋର ମହାନ୍ତିଙ୍କୁ ଦେଇଥିଲେ । ସେହି ଅନୁସାରେ ସେ ବ୍ରଜରାଜନଗର ଅଂଚଳବାସୀଙ୍କ ସେବା କରୁଥିଲେ । ତାଙ୍କର ଅକାଳ ବିୟୋଗରେ ବ୍ରଜରାଜନଗର ବାସୀ ଯେମିତି ତାଙ୍କ ଅଭାବ ଜାଣିପାରିବେନି ଆମକୁ ତାହା କାମରେ କରି ଦେଖାଇବାକୁ ପଡିବ । କାରଣ ସବୁବେଳେ ସ୍ବର୍ଗତ କିଶୋର ଦାଦା ସବୁବେଳେ ଆମ ସହିତ ଅଛନ୍ତି ।
ବ୍ରଜ ରାଜନଗରରେ ବିଜେଡିର ଯିଏ ପ୍ରାର୍ଥୀ ହେଉ ଦଳ କିପରି ବଡ଼ ବିଜୟ ବ୍ୟବଧାନରେ ବିଜୟ କରିବ । ସେଥିଲାଗି ଆମକୁ ସଂଳକ୍ପ ନେବାକୁ ହେବ । ତାହାହିଁ ହେବ କିଶୋର ମହାନ୍ତିଙ୍କ ପ୍ରତି ଶ୍ରେଷ୍ଠ ଶ୍ରଦ୍ଧାଞ୍ଜଳି । କାରଣ ବିରୋଧୀ ଦଳମାନେ ସବୁ ବେଳେ ନିର୍ବାଚନ ସମୟରେ ସକ୍ରୀୟ ହୋଇ ମିଥ୍ୟା ଅପ୍ରଚାର କରନ୍ତି । ତାହାକୁ ଜବାବ ଆମକୁ ଦେବାକୁ ପଡ଼ିବ। ଏହାସହ ବ୍ରଜରାଜନଗରର ବିକାଶ ଧାରାରେ ଯେମିତି କୌଣସି ବାଧକ ସୃଷ୍ଟି ନେହବ ସେ ଦିଗରେ ସମେସ୍ତ ଅଧିକ ଧ୍ୟାନ ଦେବାକୁ ବବି କର୍ମୀମାନଙ୍କୁ କହିଥିଲେ। ଉପ ନିର୍ବାଚନରେ ଦଳୀୟ କର୍ମୀ ଓ ନେତାଙ୍କ ଦାୟିତ୍ବ କଣ ସେ କଥା କର୍ମୀ ଓ ନେତାଙ୍କୁ ବୁଝାଇଥିଲେ ସଂଗଠନ ସମ୍ପାଦକ । ଏହି ବୈଠକରେ ସ୍ବାସ୍ଥ୍ୟମନ୍ତ୍ରୀ ନବ ଦାସ, ଝାରସୁଗୁଡ଼ା ପଯ୍ୟବେକ୍ଷକ ସୁବାଷ ସିଂହ, ଶ୍ରମମନ୍ତ୍ରୀ ସୁଶାନ୍ତ ସିଂହ, ଜିଲ୍ଲା ବିଜେଡି କର୍ମକତ୍ତାମାନେ ଯୋଗଦେଇଥିଲେ । ବାଲେଶ୍ବର, ତ୍ରିତ୍ତୋଲ, ପିପିଲି ପରି ପରା ଦମ ଲଗାଇ ବ୍ରଜରାଜନଗର ନିର୍ବାଚନ ଲଢିବାକୁ ପ୍ରଣବ ସମସ୍ତ ନେତା ଓ କର୍ମୀମାନଙ୍କୁ ଆହ୍ବାନ ଦେଇଥିଲେ ।
