() ରାଜ୍ୟ ବିଜେପି ଅସଲ ଚେହେରା ଓଡିଶାବାସୀ ଦେଖିଲେ l ବିରୋଧି ଦଳ ନେତା ଜୟ ନାରାୟଣ ମିଶ୍ର ଜଣେ ମହିଳା ଆଇଆଇସିଙ୍କୁ ଅସଭ୍ୟ ଭାଷାରେ ଗାଳି କରିବା ଓ ଠେଲା ପେଲ କରିବା ସର୍ବ ସାଧାରଣ ସ୍ଥାନରେ ତାହା ପ୍ରମାଣିତ କରିଛି l କ୍ଷମତା ଲୋଭୀ ବିଜେପିର ଅସଲ ଚେହେରା ରାଜ୍ୟ ବାସୀ ଦେଖିଲେ ବୋଲି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି l ମହିଳା ଆଇଆଇସିଙ୍କୁ ଜୟନାରାୟଣ ମିଶ୍ରଙ୍କ ଅଶାଳୀନ ବ୍ୟବହାର ଓ ବର୍ବରୋଚିତ ଶାରୀରିକ ଆକ୍ରମଣକୁ ପ୍ରଣବ ନିନ୍ଦା କରିବା ସହ ଜଣେ କର୍ତ୍ତବ୍ୟରତ ମହିଳା ପୋଲିସ ଅଧିକାରୀଙ୍କୁ ଆକ୍ରମଣ ଅତ୍ୟନ୍ତ ଲଜ୍ଜାଜନକ ବୋଲି କହିଛନ୍ତି । ଓଡ଼ିଶାବାସୀ ଏହାକୁ କଦାପି ଗ୍ରହଣ କରିବେନି ସେ କହିଛନ୍ତି l ନାରୀ ସୁରକ୍ଷା ଓ ସଶକ୍ତିକରଣ ନେଇ ଓଡ଼ିଶା ବିଜେପି ଡିଣ୍ଡିମ ପିଟୁଥିବାବେଳେ ବିରୋଧୀ ଦଳ ନେତା ନାରୀଙ୍କ ପ୍ରତି ଏପରି ସମ୍ମାନ ଦେଉଛନ୍ତି ପ୍ରଣବ ପ୍ରଶ୍ନ କରିଛନ୍ତି l
ଟୁଇଟରେ ପ୍ରଣବ ସମ୍ବଲପୁର ଘଟଣାକୁ ସମାଲୋଚନା କରିବା ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଅନୁରୋଧ କରି କହିଛନ୍ତି, ଜଣେ କର୍ତ୍ତବ୍ୟରତ ମହିଳା ପୋଲିସ ଅଧିକାରୀଙ୍କୁ ବିରୋଧୀ ଦଳ ନେତା ବର୍ବରୋଚିତ ଶାରୀରିକ ଆକ୍ରମଣ କରିଛନ୍ତି ।
ଆପଣ ନିଶ୍ଚିତ ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଆଶା କରୁଛୁ ବୋଲି ବୋଲି ପ୍ରଣବ କହିଛନ୍ତି । ଓଡ଼ିଶାବାସୀ ଆପଣଙ୍କ ଠାରୁ ଏହି ଆଶା କରୁଛନ୍ତି ବୋଲି ସେ କହିଛନ୍ତି l
