{} ଘନ ବିଦ୍ୟୁତ କାଟ ପ୍ରତିବାଦରେ ପ୍ରଦେଶ ଛାତ୍ର କଂଗ୍ରେସ ପକ୍ଷରୁ ଶକ୍ତିମନ୍ତ୍ରୀଙ୍କ ସରକାରୀ ବାସଗୃହ ଆଗରେ ବିକ୍ଷୋଭ ଶକ୍ତିମନ୍ତ୍ରୀ ଟାଟା ପାୱାରର ସ୍ଥାବକ ସାଜିଛନ୍ତି- ୟାସିର
() ଆଜି ପୂର୍ବାହ୍ନ ୧୧ ଘଂଟା ସମୟରେ ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ୟାସର ନୱାଜଙ୍କ ନେତୃତ୍ୱରେ ବାରମ୍ବାର ବିଦ୍ୟୁତ କାଟ ପ୍ରତିବାଦରେ ଶକ୍ତିମନ୍ତ୍ରୀ ଶ୍ରୀ ପ୍ରତାପ ଦେବଙ୍କ ସରକାରୀ ବାସଭବନ ସମ୍ମୁଖରେ ପ୍ରଦେଶ ଛାତ୍ର କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ଛାତ୍ର କଂଗ୍ରେସର କର୍ମକର୍ତାମାନେ ହାତରେ ଲଣ୍ଠନ ଓ ବିଂଚଣା ଧରି ଅଭିନବ ଉପାୟରେ ସେଠାରେ ପ୍ରତିବାଦ ଜଣାଇଥିଲେ । ଛାତ୍ରକଂଗ୍ରେସର କର୍ମକର୍ତମାନେ ଶକ୍ତିମନ୍ତ୍ରୀଙ୍କୁ ଏ ସଂକ୍ରାନ୍ତରେ ପ୍ରଶ୍ନ କରିବା ପାଇଁ ତାଙ୍କ ବାସଗୃହ ଆଡକୁ ଧସେଇ ପଶୁଥିବା ବେଳେ ପୋଲିସ ସେମାନଙ୍କୁ ଅଟକାଇଥିଲା । ପ୍ରାୟ ଏକ ଘଂଟା କାଳ ଛାତ୍ରକଂଗ୍ରେସର କର୍ମକର୍ତାମାନଙ୍କ ସହ ପୋଲିସର ଧସ୍ତାଧସ୍ତି ଚାଲିଥିଲା । ଏହି ପରିପ୍ରେକ୍ଷୀରେ ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ୟାସିର ନୱାଜ କହିଛନ୍ତି ଯେ ଶକ୍ତିମନ୍ତ୍ରୀ ଶ୍ରୀ ପ୍ରତାପ ଦେବ ଜଣେ ଜନପ୍ରତିନିଧି ହୋଇ ସାଧାରଣଙ୍କ ଜନତାଙ୍କର ସମସ୍ୟାକୁ ଉପେକ୍ଷା କରି ଟାଟା ପାୱାର କମ୍ପାନୀ ସପକ୍ଷରେ ଯୁକ୍ତି ବାଢ଼ୁଛନ୍ତି । ସତେ ଯେପରି ସେ ଟାଟା ପାୱାର କମ୍ପାନୀର ସେ ଜଣେ ସ୍ତାବକ । ବିଦ୍ୟୁତ କାଟକୁ ଶକ୍ତିମନ୍ତ୍ରୀ ଅସ୍ୱୀକାର କରୁଛନ୍ତି । ଏହାକୁ ଟ୍ରିପ ହେଉଛି କହି ଉପଭୋକ୍ତମାନଙ୍କୁ ଭୁଆଁ ବୁଲାଉଛନ୍ତି । ଏବେ କାଳବୈଶାଖିର କ୍ଷତିଗ୍ରସ୍ତ ଯୋଗୁଁ ବିଦ୍ୟୁତ ସରବରାହରେ ବ୍ୟାଘତ ହେଉଛି ବୋଲି ନୂଆ କାହାଣୀ ଲେଖୁଛନ୍ତି ।
ଛାତ୍ରମାନେ ପାଠ ପଢ଼ିବା ପାଇଁ ବହୁ ଅସୁବିଧାରେ ସମ୍ମୁଖୀନ ହେଉଛନ୍ତି । ମାତ୍ର ସରକାରଙ୍କର ସେଥିପ୍ରତି ନିଘା ନାହିଁ ।
ନିର୍ବାଚନ ପୂର୍ବରୁ ସବୁବେଳେ ୨୪ ଘଂଟିଆ ବିଦ୍ୟୁତ ଯୋଗାଣ ପ୍ରତିଶ୍ରୁତି ବିଜୁ ଜନତା ଦଳ ଦେଇଥାଏ । ମାତ୍ର ନିର୍ବାଚନ ପରେ ଏହି ପ୍ରତିଶ୍ରୁତି ପାଣିର ଗାର ହୋଇଯାଇଥାଏ । ଓଡ଼ିଶା ସରକାର ବିଗତ ୧୦ ବର୍ଷ ଭିତରେ ବିଦ୍ୟୁତ ବ୍ୟବସ୍ଥାର ସୁଧାର ପାଇଁ ୨୦ ହଜାର କୋଟି ଟଙ୍କା ଖର୍ଚ୍ଚ କରିଛନ୍ତି ବୋଲି କହୁଥିବା ସ୍ଥଳେ ଏଥିରେ ୨୦ ଟଙ୍କା ଖର୍ଚ୍ଚ ହେଲା ଭଳି ଉପଲବ୍ଧି ହେଉନାହିଁ । ତାର, ଖୁଂଟି ଓ ଟ୍ରାନ୍ସ୍ଫରମରର ବ୍ୟାପକ ପରିବର୍ତନ ହେବା ପରିଦୃଷ୍ଟ ହେଉନାହିଁ । ଏଣୁ ଏଥିରେ ପ୍ରାୟ କୋଟି କୋଟି ଟଙ୍କା ଆତ୍ମସାତ ହେଉଛି ବୋଲି ଅଭିଯୋଗ ହେଉଛି । ଭୁବନଶ୍ୱେର ଓ କଟକରେ ଭୂତଳ ବିଦ୍ୟୁତକରଣ ବ୍ୟବସ୍ଥା ହେବାର ଘୋଷଣା କରାହେଲା । ଭୁବନେଶ୍ୱର ପାଇଁ ୨ ହଜାର କୋଟି ଟଙ୍କା ବ୍ୟବସ୍ଥା କଲେ । ମାତ୍ର ଫଳ ଶୂନ । ୧୫ ମାସ ଭିତରେ ହକି ଷ୍ଟାଡ଼ିୟମ ହୋଇଗଲା ବୋଲି ୫ଟି ସଚିବ ଗର୍ଜନ କରୁଥିବାବେଳେ ୧୦ ବର୍ଷ ଭିତରେ ବିଦ୍ୟୁତ ବ୍ୟବସ୍ଥାର ସୁଧାର କାହିଁ ହୋଇପାରିଲା ନାହିଁ ତା’ର ଉତର ଦେବେ କି? ସାରା ଭାରତ ବର୍ଷରେ ଓଡ଼ିଶା ଏକ ବଳକା ବିଦ୍ୟୁତ ରାଜ୍ୟ ପରିଗଣିତ ହେଉଥିବାବେଳେ ଏଠାରେ ଉପଭୋକ୍ତାମାନେ ଚଢ଼ା ଦରରେ ବିଦ୍ୟୁତ କିଣୁଛନ୍ତି ।
ଟାଟା ପାୱାର ବିଦ୍ୟୁତ ବଂଟନ ଦାୟିତ୍ୱ ନ ନେବେ ଆଗରୁ ପ୍ରଥମ ସ୍ଲାବ୍କୁ ଶୂନ ରୁ ୧୦୦ ୟୁନିଟ୍ ଭିତରେ ରଖାଯାଉଥିବାବେଳେ ଏବେ ପ୍ରଥମ ସ୍ଲାବ ୟୁନିଟକୁ ୦ ରୁ ୫୦ ୟୁନିଟ୍ ଭିତରେ ରଖାଯାଉଛି । ଉପଭୋକ୍ତାଙ୍କ ତଂଟି ଚିପି ଟାଟା ପାୱାର ରକ୍ତ ଶୋଷଣ କରୁଥିବାବେଳେ ଶକ୍ତିମନ୍ତ୍ରୀ, ଶକ୍ତିସଚିବ, ଓଇଆରସି, ନୀରବ ଦ୍ରଷ୍ଟା ସାଜିଛନ୍ତି । କାରଣ ନବୀନ ସରକାର ଟାଟା ପାୱାର ଦ୍ୱାରା ଉପକୃତ ହେଉଛି । ଏଣୁ ସାଧାରଣ ଲୋକଙ୍କ ସ୍ୱାର୍ଥ ବଳି ପଡ଼ିଲେ ବି ଏହି ଅଧିକାରୀମାନେ ଏବଂ ଜନପ୍ରତିନିଧି ଚୁପ୍ ବସିଛନ୍ତି ।
କେବଳ ଯେ ଚୁପ୍ ବସିନାହାନ୍ତି ବରଂ ଟାଟା କମ୍ପାନୀ ସପକ୍ଷରେ ଚୁକ୍ତି ବାଢ଼ୁଛନ୍ତି । ନିକଟରେ କର୍ଣ୍ଣାଟକ ଗରୀବ ଲୋକଙ୍କୁ ୨୦୦ ୟୁନିଟ୍ ବିଦ୍ୟୁତ ମାଗଣା ଯୋଗାଉଥିବାବେଳେ ଆମ ରାଜ୍ୟ ବିପିଏଲ କାର୍ଡ଼ଧାରୀଙ୍କୁ ୨୦୦ ୟୁନିଟ୍ ମାଗଣା ଦିଆଯିବା ପାଇଁ ଛାତ୍ର କଂଗ୍ରେସ ଦାବୀ କରୁଛି । ଅନ୍ୟପକ୍ଷରେ ଟାଟା କମ୍ପାନୀର ଦାଦାଗିରି ବଢ଼ିଯାଇଛି । ମିଟର ରିଡ଼ିଂ ଓ ତ୍ରୁଟିପୂର୍ଣ୍ଣ କରି ଉପଭୋକ୍ତାଙ୍କ ଠାରୁ ଅସଦ୍ଉପାୟରେ ଅର୍ଥ ଆଦାୟ କରାଯାଉଛି । ପ୍ରତିବାଦ କଲେ ବିଦ୍ୟୁତ ସଂଯୋଗ କାଟି ଦିଆଯାଉଛି ।
ସୁପ୍ରଦେଶ ଛାତ୍ର କଂଗ୍ରେସ ପକ୍ଷରୁ ନିରବଚ୍ଛିନ୍ନ ବିଦ୍ୟୁତ ଯୋଗାଣ ପାଇଁ ଦାବୀ କରାଯାଉଛି । ତୁରନ୍ତ ମୁଖ୍ୟମନ୍ତ୍ରୀ ହସ୍ତକ୍ଷେପ କରି ବିଦ୍ୟୁତ ବ୍ୟବସ୍ଥାର ସୁଧାର ଆଣିବା ସହ ଟାଟା କମ୍ପାନୀ ଉପରେ ଅଙ୍କୁଶ ଲଗାଇବା ପାଇଁ ମଧ୍ୟ ଦାବୀ କରାଯାଉଛି । ଶକ୍ତିମନ୍ତ୍ରୀ ଟାଟାର ସ୍ଥାବନ ନ ହୋଇ ଜନସାଧାରଣଙ୍କର ସ୍ୱାର୍ଥର ସୁରକ୍ଷା କରନ୍ତି । ଆଜିର କାର୍ଯ୍ୟକ୍ରମରେ ରଜତ ଚୌଧୁରୀ, ପ୍ରକାଶ ମିଶ୍ର, ରଣଜିତ ପାତ୍ର, ଅଜୟ ସାହୁ, ସ୍ୱାଗତ କର, ସୁରଜ ରାଉତ, ସାଗର ପଟ୍ଟନାୟକ, ବିଶ୍ୱଭୂଷଣ ମହାପାତ୍ର, କାର୍ତିକ କାଣ୍ଡି, ଉଦିତ୍ ପ୍ରଧାନ, ଶ୍ରୀ ମହାନ୍ତି, ଦୀପିକା ପାତ୍ର, ସାହାରୁଖ ଖାନ, ଆର୍ଯ୍ୟନ ସାସମଲ, ଅଭିନାଷ ନନ୍ଦ, ସୌମ୍ୟ ବରାଳ, ରାଜଦୀପ ବେହେରା, ଅହମଦ ଖାନ, ମହମ୍ମଦ ମନୱାର ଓ ପ୍ରମୁଖ ଅଂଶ ଗ୍ରହଣ କରିଥିଲେ ।
