ପୁରୀ : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ସ୍ନାନ ମଣ୍ଡପରେ ବିଜେ କରିଛନ୍ତି ଚତୁର୍ଦ୍ଧା ମୂର୍ତ୍ତି l ମଙ୍ଗଳାଆରତୀ, ଅବକାଶ ନୀତି ଶେଷ ହୋଇଛି l ଚତୁର୍ଦ୍ଧା ମୂର୍ତ୍ତି ନିର୍ଧାରିତ ସମୟରେ ଧାଡି ପହଣ୍ଡି କରାଯାଇ ସ୍ନାନ ମଣ୍ଡପରେ ବିଜେ କରାଯାଇଛି l ବିନା ଭକ୍ତରେ ପ୍ରଥମ ଥର ସ୍ନାନ ଯାତ୍ରା କରୁଛନ୍ତି ମହାପ୍ରଭୁ l ଭକ୍ତମାନେ ଟିଭି ପରଦାରେ ସ୍ନାନ ଯାତ୍ରାର ସିଧା ପ୍ରସାରଣ ଦେଖିବାର ବ୍ୟବସ୍ଥା କରାଯାଇଛି l ପ୍ରଶାସକ କ୍ରିଷନ କୁମାରଙ୍କ କହିବା ଅନୁସାରେ ରାତି ୧ଟାରୁ 40ରୁ ଧାଡି ପହଣ୍ଡି ଆରମ୍ଭ ହୋଇ ୩ଟା 10 ଯାଏ ହୋଇଥିଲା ।
୩ଟା40ରେ ମଦନମୋହନ ବିଜେ କଲେ l ଏହାପରେ ଭୋର୍ ୪ଟା ୩୦ ସମୟରେ ମଙ୍ଗଳ ଆଳତି , ଭୋର ୪ଟା ୩୫ରେ ମଇଲମ ଓ ପରେ ଠାକୁରଙ୍କୁ ତଡ଼ପ ଲାଗି କରାଯିବ। ସୀମିତ ସେବାୟତରେ ମହାପ୍ରଭୁଙ୍କୁ ସ୍ନାନ ଯାତ୍ରା ଚାଲିଛି l କରୋନା ମହାମାରୀ ପାଇଁ ବିନା ଭକ୍ତରେ ସ୍ନାନ ଯାତ୍ରା ହେଉଛି l ମହାପ୍ରଭୁଙ୍କ ସ୍ନାନ ଯାତ୍ରାର ସିଧା ପ୍ରସାରଣ କରାଯାଉଛି l ଶ୍ରୀମନ୍ଦିର ଇତିହାସରେ ଏହା ପ୍ରଥମ ସ୍ନାନ ଯାତ୍ରା l ଯାତ୍ରା ପାଇଁ 38ପ୍ଲାଟୁନ ପୋଲିସ ମୁତୟନ କରାଯାଇଛି l ସ୍ନାନ ଯାତ୍ରାକୁ ଶାନ୍ତି ଶୁଙ୍ଖଳାରେ ଶେଷ କରିବା ପାଇଁ ଶ୍ରୀ ମନ୍ଦିର ମୁଖ୍ୟ ପ୍ରଶାସକ ସଭିଙ୍କ ସହଯୋଗ ଲୋଡିଛନ୍ତି l ପୁରା ଓଡ଼ିଶାରେ ଭକ୍ତିମୟ ପରିବେଶ l
