ପୁରୀ : ଓଡ଼ିଶାକୁ ପ୍ରତି ବର୍ଷ କିଛି ନା କିଛି ବିପଦ ଆସିଥାଏ। ହେଲେ ଜଗତର ନାଥ ଜଗନ୍ନାଥଙ୍କ ଆଶୀର୍ବାଦରୁ ସବୁ ଠିକ୍ ହୋଇଯାଏ।ଆଉ ବିପଦ ଆସିଲା ଆଉ ଗଲା ପରେ କିଛି ନା କିଛି ଅଲୈକିକ ଘଟଣା ଘଟିଥାଏ। ଯାହା ଆଜି ମଧ୍ୟ ହୋଇଛି। ଓଡ଼ିଶାକୁ ଆଜି ମହାବାତ୍ୟା ଆସିଥିଲା ।ଆଉ ଚାଲିଗଲା। ତାର ଯିବା ଠିକ୍ ପରେ ପରେ ଶ୍ରୀକ୍ଷେତ୍ରର ଆକାଶର ରଙ୍ଗ ବଦଳି ଯାଇଥିଲା । ମେଘାଛନ୍ନ ଆକାଶ ହଠାତ୍ ରଙ୍ଗୀନ ହୋଇଯାଇଥିଲା। ନାଲି ନେଳି ରଙ୍ଗର ଏକ ଆସ୍ତରଣ ଚାରିଆଡେ ଖେଳିଯାଇଥିଲା। ଏମିତି ଦୃଶ୍ୟ ଗତ ବର୍ଷ ଫନି ବାତ୍ୟା ସମୟରେ ମଧ୍ୟ ଦେଖିବାକୁ ମିଳିଥିଲା।ଯେମିତି ବିପଦ ଚାଲିଗଲା ପରେ ଲୋକଙ୍କ ମୁହଁରେ ହସ ଖେଳିଯାଏ। ଠିକ୍ ସେହିପରି ଶ୍ରୀକ୍ଷେତ୍ର ଆକାଶରେ ରଙ୍ଗ ଖେଳି ଯାଇଥିଲା।ଆଉ ଏଜାତିକୁ ଏ ଅମ୍ପାନ ରୂପୀ ବିପଦରୁ ଉଧାର କରିଥିବାରୁ ପ୍ରଭୁ ଜଗନ୍ନାଥଙ୍କୁ ଏ ବିଶାଳ ଆକାଶ ରଙ୍ଗ ବଦଳାଇ ଧନ୍ୟବାଦ ଜଣାଉଥିଲା। ଏ ଦୃଶ୍ୟ ଏତେ ମନୋରମ ଥିଲା ଯେ ଯିଏ ବି ସେ ବାଟ ଦେଇ ଯାଉଥିଲା ଘଡିଏ ପାଇଁ ତା ପାଦ ଅଟକି ଯାଉଥିଲା ।ଆଉ ଶ୍ରୀକ୍ଷେତ୍ର ଆକାଶର ସୁନ୍ଦରତା ଉପଭୋଗ କରୁଥିଲା।
