- Advertisement -
ନୂଆଦିଲ୍ଲୀ: ଏ ବର୍ଷ ହେବ ନାହିଁ ରଥଯାତ୍ରା । ଏନେଇ ଆଜି ଶୁଣାଣି କରିଛନ୍ତି ସୁପ୍ରିମମ୍ରକେର୍ଟ। କୋରୋନା ଆକ୍ରାନ୍ତ ସଂଖ୍ୟା ଦେଶ ତଥା ରାଜ୍ୟରେ ହୁ ହୁ ହୋଇ ବଢିଚାଲିଛି।ଏହି ମହାମାରୀକୁ ଦୃଷ୍ଟିରେ ରଖି ରଥଯାତ୍ରା ବନ୍ଦ ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ ।ଶୁଣାଣି ସମୟରେ କୋର୍ଟ କହିଛନ୍ତି ଯେ ମହାମାରୀ ସମୟରେ ଜଗନ୍ନାଥଙ୍କ ରଥଯାତ୍ରା ପାଇଁ ଅନୁମତି ଦିଆଯାଇପାରିବ ନାହିଁ। ଜନସ୍ୱାସ୍ଥ୍ୟ ଏବଂ ଦେଶର ଲୋକଙ୍କ କଲ୍ୟାଣକୁ ଦୃଷ୍ଟିରେ ରଖି ଏହି ଆଦେଶ ପାସ କରାଯାଇଛି ବୋଲି କୋର୍ଟ କହିଛନ୍ତି।
ଏହାସହ ପ୍ରଧାନ ବିଚାରପତି ସିଜେଆଇ ଏସଏ ବୋବଡେ କହିଛନ୍ତି, ଆମେ ଯାତ୍ରାକୁ ଅନୁମତି ଦେଇ ପାରିବୁ ନାହିଁ। ଯଦି ଏହି ସମୟରେ ଅନୁମତି ଦେବୁ ତାହେଲେ ପ୍ରଭୁ ଜଗନ୍ନାଥ ଆମକୁ କ୍ଷମା କରିବେ ନାହିଁ । ଏହି ରାୟ ଶୁଣିଲା ପରେ ଅନେକ ଜଗନ୍ନାଥ ପ୍ରେମୀଙ୍କ ମନ ଭାଙ୍ଗି ଯାଇଛି। ପ୍ରଭୁଙ୍କୁ ବଡ଼ ଦାଣ୍ଡରେ ଦେଖିବାର ଆଶା ଏବେ ଆଶାରେ ରହିଗଲା।
