ଭୁବନେଶ୍ୱର : ରଥଯାତ୍ରା ବନ୍ଦ ହେବା ପରେ ଏହି ପ୍ରସଙ୍ଗକୁ ନେଇ ଜୋର ଧରିଲା ରାଜନୀତି l ବିଜେପି ନେତା ବିଜୟ ମହାପାତ୍ର ଏପ୍ରସଙ୍ଗରେ ରାଜ୍ୟ ସରକାରଙ୍କୁ ସମାଲୋଚନା କରିଥିବା ବେଳେ କଂଗ୍ରେସ ଉଭୟ ରାଜ୍ୟ ଓ କଣ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି l ଗତକାଲି ଦିନ ଓଡ଼ିଶା ଇତିହାସ ରେ ସ୍ମରଣୀୟ ହୋଇ ରହିବ। ଯାହା ଆଶଙ୍କା ହେଉଥିଲା ଚକ୍ରାନ୍ତ ଓ ଷଡଯନ୍ତ୍ର ଚାଲିଛି। ଶେଷରେ ସେମାନେ ସଫଳ ହେଲେ।
ସ୍ନାନଯାତ୍ରା ଠାରୁ ଆଜି ଯାଏ ସବୁ କଟକଣା ଭିତରେ ନୀତିକାନ୍ତି ହୋଇଛି। ଏବେ ସୁପ୍ରିମକୋର୍ଟଙ୍କ ରାୟ ସମସ୍ତେ ମାନିବେ। କିନ୍ତୁ ରାଜ୍ୟ ସରକାର ସନ୍ଦେହର ଘେରରେ ରହିଲେ। ସରକାର ଙ୍କ ଆନ୍ତରିକତା ନ ଥିଲା ରଥଯାତ୍ରା କରିବା।ସରକାରଙ୍କ ପକ୍ଷରୁ ଏକ ସତ୍ୟପାଠ କରାଯାଇ ପାରିଥାନ୍ତା , ଯେ ଆମେ କଟକଣା ଭିତରେ ରଥଯାତ୍ରା କରିବୁ।10 ଲକ୍ଷ ଲୋକଙ୍କ ସମାଗମ ହେବନି। ସେଭଳି ଯୁକ୍ତି ରାଜ୍ୟ ସରକାର ଙ୍କ ପକ୍ଷରୁ ହେଲାନି। ନିଜର ଯୁକ୍ତି ସର୍ବୋଚ୍ଚ ନ୍ୟାୟାଳୟ ପାଖରେ କାହିଁକି ରଖିଲ ନାହିଁ? ଏ କଥା ଆଜିନୁହେଁ ସବୁ ଦିନ ପାଇଁ ଉଠିବ। ପଦେ କଥା ବି କହିଲେନି। ଦାମୀ ଓକିଲଙ୍କୁ ରଖି ରଥଯାତ୍ରାକୁ ଏମିତି ସ୍ମରଣୀୟ କରି ରଖିବା ଠିକ ହେଲାନି। ବହୁ ଦାମୀ ଓକିଲ ଥିଲେ। ସରକାର ଙ୍କ ଜ୍ଞାତ ସାରରେ ସମସ୍ତେ ଥିଲେ। ରାଜ୍ୟ ସରକାର ସିଧା ସଳଖ ଓ ପରୋକ୍ଷ ରେ ଉଭୟ ବାଟରେ ପଇସା ଖର୍ଚ୍ଚ କରିଛନ୍ତି। ନିଜ ପ୍ରଶ୍ନକୁ କାହିଁକି ରଖିଲେ ନାହିଁ ତାହା ସବୁଦିନ ଏକ କଳଙ୍କିତ ଘଟଣା ହୋଇ ରହିବ।
.ଏବେ ଅନ୍ୟ ନୀତିକାନ୍ତି କେମିତି ହେବ ସେ ନେଇ ସରକାର ଆନ୍ତରିକତା ଓ ନିଷ୍ଠା ର ସହ କରନ୍ତୁ। ଶଙ୍କରାଚାର୍ଯ୍ୟଙ୍କ ସହ ଆଲୋଚନା ହେଉ। ଛତିଶା ନିଯୋଗ ଓ ଅନ୍ୟ ମାନଙ୍କ ସହ ସମସ୍ତ ଙ୍କ ସହ କଥା ହୋଇ କରନ୍ତୁ। ନୀତି ନିର୍ଘଣ୍ଟ ଆସନ୍ତା କାଲି ସୁଦ୍ଧା ହେବା କଥା। ହେଲେ ବଡ଼ ବିଭ୍ରାଟ ହେବ ବୋଲି ବିଜୟ ମହାପାତ୍ର କହିଛନ୍ତି l
