ଭୁବନେଶ୍ୱର : ରଥଯାତ୍ରା ହେବ ନା ହେବ ନାହିଁ। ଏ ନେଇ ଲାଗିରହିଛି ଅନିଶ୍ଚିତତା। ଏବେ ରଥଯାତ୍ରାକୁ ନେଇ ରାଜନିତୀ ମଧ୍ୟ ଜୋର ଧରିଲାଣି। ଗତକାଲି ବିଜେପି ଏ ନେଇ ସରକାରଙ୍କୁ ଟାର୍ଗେଟ କରିଥିଲା। ଏ ନେଇ ଆଜି ପ୍ରତିକ୍ରିୟା ରଖିଛନ୍ତି ଦେବୀ ମିଶ୍ରଙ୍କ। ସେ କହିଛନ୍ତି ଏବେ ସବୁଠି କୋଭିଡ ୧୯ ପରିସ୍ଥିତି । ତେଣୁ ରଥଯାତ୍ରାକୁ ନେଇ ସବୁ ପ୍ରକାର ବିଚାର ବିମର୍ଷ ଚାଲିଛି।ସରକାର ତରତରିଆ ଭାବେ ନିଷ୍ପତି ନେବେ ନାହିଁ l ଶ୍ରୀମନ୍ଦିର ପରିଚାଳନା କମିଟି ସଭିଙ୍କ ସହ ଆଲୋଚନା କରୁଛନ୍ତି l ସରକାର ସବୁ କଥା ବିଚାରକୁ ନେଇ ନିଷ୍ପତି ନେବେ l ସରକାର ଏ ପ୍ରସଙ୍ଗକୁ ଗଭୀରତା ସହ ନେଇଛନ୍ତି l ରୀତିନୀତି ଅନୁସାରେ କାମ ଚାଲିଛି l ସରକାରଙ୍କ ନିଷ୍ପତିକୁ ସମସ୍ତେ ଅପେକ୍ଷା କରିବାକୁ ପଡିବ l
ଏହାସହ ବିଧାୟକ ସୁରେଶ କୁମାର ରାଉତରାୟ କହିଛନ୍ତି ସବୁ ଫାଇନାଲ ହୋଇଛି। ରଥ କାମ ମଧ୍ୟ ୯୦ ପ୍ରତିଶତ ସାରିଲାଣି। ନୀତି ସବୁ ଠିକ ଚାଲିଛି l ସାନ୍ନ ଯାତ୍ରା ଠିକ ହୋଇଛି l ସବୁ ସେବାୟତ ଓ ଜନ ସାଧାରଣ ଚାହୁଁଛନ୍ତି ରଥ ଯାତ୍ରା ହେଉ। ମୋର ଆଶା ଅଛି ରଥଯାତ୍ରା ନିଶ୍ଚିତ ହେବ l ରଥଯାତ୍ରାକୁ ଅଳ୍ପ ଦିନ ରହିଲା।ତେଣୁ ସରକାର ଶୀଘ୍ର ନିଷ୍ପତ୍ତି ନିଅନ୍ତୁ ।
ରଥ ପ୍ରସ୍ତୁତ, ସେବାୟତ ବି ପ୍ରସ୍ତୁତ, ଶ୍ରୀ ମନ୍ଦିର ପ୍ରଶାସନ ବି ପ୍ରସ୍ତୁତ ତେଣୁ ରଥ ହେବାରେ କୌଣସି ଅସୁବିଧା ନାହିଁ l କାଲି ସୁଦ୍ଧା ନିଷ୍ପତି ହୋଇଯିବ ବୋଲି ଆଶା ରଖିଛନ୍ତି ବିଧାୟକ।ସେବାୟତ, ପୋଲିସ ଓ ଯେଉଁ ମାନଙ୍କର ଆବଶ୍ୟକ ରହିଛି।ସେଇମାନଙ୍କୁ ନେଇ ଘୋଷଯାତ୍ରା କରାଯାଉ
ରଥଯାତ୍ରାକୁ ଯିବା ପାଇଁ ଅନ୍ୟମାନଙ୍କୁ ଅନୁମତି ଦିଆନଯାଉ । ସେପଟେ ବିଜେପି କହିଛି ଯଦି ରଥଯାତ୍ରା ରାଜ୍ୟ ସରକାର କରିବେ ନାହିଁ ତାହାଲେ କାହିଁକି କରିବେନି ରାଜ୍ୟବାସୀଙ୍କୁ ଜାଣନ୍ତୁ ବୋଲି ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ କହିଛନ୍ତି l
