କେନ୍ଦ୍ର ଓ ରାଜ୍ୟ ମିଳିତ ଭାବେ ବନ୍ଦ କଲେ ରଥଯାତ୍ରା : ଖାରବେଳ ସ୍ବାଇଁ

- Advertisement -

ଭୁବନେଶ୍ୱର : ରଥଯାତ୍ରା ବନ୍ଦ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ସେବେଠାରୁ ଏହାକୁ ନେଇ ରାଜ୍ୟରେ ଅନେକ ତର୍କ ବିତର୍କ ଲାଗିରହିଛି। ହେଲେ ଏହି ସମୟରେ ବିଜେପିର ବରିଷ୍ଠ ନେତା ତଥା ପୂର୍ବତନ ସାଂସଦ ଖାରବେଳ ସ୍ୱାଇଁ ଖୋଲିଛନ୍ତି ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଗୁମର। ସେ କହିଛନ୍ତି ଉଭୟ କେନ୍ଦ୍ର ଓ ରାଜ୍ୟ ସରକାର ରଥଯାତ୍ରା କରିବାକୁ ଚାହୁଁନାହାନ୍ତି । କାରଣ କରୋନା ମହାମାରୀ ପାଇଁ ଦେଶରେ ସବୁ ଧର୍ମାନୁଷ୍ଠାନଗୁଡିକ ବନ୍ଦ ଅଛି। ଏମିତିକି ଆଇପିଏଲ ମଧ୍ୟ ବନ୍ଦ କରିଦିଆଯାଇଛି।କାଳେ ରଥଯାତ୍ରା ହେଲେ ପଛରେ କିଛି ଅସୁବିଧା ହେବ ଏସବୁକୁ ଦୃଷ୍ଟିରେ ରଖି ଉଭୟ ସରକାର ଚୁପ ରହୁଥିବା ସେ ଅଭିଯୋଗ ଆଣିଛନ୍ତି। ଏମିତିକି ଯଦି ରଥଯାତ୍ରା ହୁଏ, ତେବେ ବିଶ୍ୱ ସ୍ତରରେ ଭାରତର ଛବି ତଳକୁ ଯିବ ।ଏହାସହ ଭାରତର ବୃହତ କ୍ଷତି ହେବ।ତେବେ ରଥଯାତ୍ରା ହେବା ନ ହେବା ସେଇ କଳା ଠାକୁରଙ୍କ ଇଚ୍ଛା ବୋଲି ମଧ୍ୟ ଅନେକ ଭକ୍ତ କହୁଛନ୍ତି। ସେ ଯଦି ଚାହିଁବେ ବଡ଼ ଦାଣ୍ଡରେ ନିଶ୍ଚୟ ନନ୍ଦିଘୋଷ ଗଡିବ।