() ଝାରସୁଗୁଡା ବିଧାନସଭା ଉପନିର୍ବାଚନ ପାଇଁ କଂଗ୍ରେସ ପାର୍ଥି ହେଲେ ତରୁଣ ପାଣ୍ଡେ।
{} ଝାରସୁଗୁଡା ବିଧାନସଭା ଉପନିର୍ବାଚନ ପାଇଁ ଆଜି ଏଆଇସିସି ପକ୍ଷରୁ କଂଗ୍ରେସ ପାର୍ଥିଭାବେ ଶ୍ରୀଯୁକ୍ତ ତରୁଣ ପାଣ୍ଡେଙ୍କ ନାମ ଘୋଷଣା କରାଯାଇଛି।
ଝାରସୁଗୁଡା ପୌରପାଳିକାର ୨ ଥର ଅଧ୍ୟକ୍ଷ ଥିବା ଏବଂ ତିନିଥର ବିଧାୟକ ଥିବା ଲୋଜପ୍ରିୟ ଜନନେତା ସ୍ବର୍ଗତ ବିରେନ୍ଦ୍ର ଚନ୍ଦ୍ର ପାଣ୍ଡେ ଯିଏ ଝାରଗୁଡାର ଟାଣୁଆ ନେତା ଭାବେ ଝାରସୁଗୁଡା ଅଞ୍ଚଳ ପାଇଁ ଅନେକ ଗୁଡିଏ କାର୍ଯ୍ୟ କରିଛନ୍ତି ତାଙ୍କ ଜ୍ୟେଷ୍ଠ ପୁତ୍ର ଅଟନ୍ତି ଶ୍ରୀଯୁକ୍ତ ତରୁଣ ପାଣ୍ଡେ। ସେ ବିବାହିତ ଏବଂ ଗୋଟିଏ ପୁଅ ଅଛନ୍ତି।ସେ ଗୋଟେ ପ୍ରତିଷ୍ଠିତ ରାଜନୀତି ପରିବାର ରୁ ଆସି ୧୯୯୫ ମସିହାରୁ ଝାରସୁଗୁଡାରେ କଂଗ୍ରେସ ଦଳର ଜଣେ ସକ୍ରିୟ ସଦସ୍ୟ ଭାବେ କାର୍ଯ୍ୟକରିଆସୁଛନ୍ତି।୨୦୦୯ ମସିହାରେ ସାଂସଦ ଙ୍କ ପ୍ରତିନିଧି ଭାବେ ସୁଚାରୁରୂପେ କାର୍ଯ୍ୟ କରିଛନ୍ତି।ସେ ସମାଜସେବୀ ଭାବେ ମଧ୍ୟ କାର୍ଯ୍ୟ କରୁଛନ୍ତି ଏବଂ ଅଘରିଆ ସମାଜ ର ଜଣେ ଆଗଧାଡ଼ିର ନେତା ଭାବେ ମଧ୍ୟ କାର୍ଯ୍ୟ ଜାରି ରଖିଛନ୍ତି।
ରାଜନୀତି ପରିବାରରୁ ଆସିଥିବା ଜଣେ ତୃଣମୂଳ ସ୍ତରର ଉପଯୁକ୍ତ କର୍ମୀଙ୍କୁ କଂଗ୍ରେସ ଟିକେଟ ମିଳିଥିବାରୁ କଂଗ୍ରେସ ମହଲରେ ଉତ୍ସାହ ପ୍ରକାଶ ପାଇଛି।ଏଥିପାଇଁ କଂଗ୍ରେସ ନେତୃବୃନ୍ଦ ଓ କର୍ମୀମାନେ ଏଆଇସିସି ଅଧ୍ୟକ୍ଷ ଶ୍ରୀଯୁକ୍ତ ମଲ୍ଲିକାର୍ଜୁନ ଖାଡ଼ଗେ,ଏଆଇସିସି ସାଧାରଣ ସମ୍ପାଦକ ତଥା ଓଡିଶା ପ୍ରଭାରୀ ସାଂସଦ ଡ଼ ଏ ଚେଲ୍ଲାକୁମାର ଏବଂ ପିସିସି ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ ଙ୍କୁ କୃତଜ୍ଞତା ଜଣାଇବା ସହ ଧନ୍ୟବାଦ ଅର୍ପଣ କରିଛନ୍ତି।
