() ଯୁଆଡ଼େ ଚାହିଁଲେ ତୋ ମୁହଁ ଦିଶୁଛି । ଲାଗୁଛି ତମେ ଯେମିତି ମତେ କେବଳ ଚାହିଁ ରହିଛି । ଏହା ମୋର ଭାଗ୍ୟ ନା ତୁମର ଭଲପାଇବା ତାହା ମୁଁ ଜାଣେ ନାହିଁ । ହେଲେ ଦିନରାତି ମୁଁ ସବୁବେଳେ ଏମିତି ଦେଖୁଥାଏ ତୁମକୁ ଏକଥା ସବୁବେଳେ ମୁଁ ପ୍ରାର୍ଥନା କରୁଛି । ତୁମ ଚାହାଣିରେ ନାହିଁ ଛଳନା , ନାହିଁ କିଛି ଆଶା , ନାହିଁ ଘୃଣା, କି ନାହିଁ ବେଦନା । କେବଳ ଭଲ ପାଇବା ଆଉ ଭଲ ପାଇବା । ଆଉ ସେହି ଦିବ୍ୟ ନୟନ ଚାହାଣୀ ଟିକକ ପାଇବା ପାଇଁ କେତେ କିଏ ତପସ୍ୟା ଭାବ ଲଗାଉଛି । ହେଲେ ମୁଁ ତ ମୋ ଚର୍ମ ନୟନରେ କିପରି ତୁମର ଦିବ୍ୟ ନୟନକୁ ଚାହୁଛି ତାହା ଜାଣି ପାରୁନାହିଁ । ତୁମର ଦର୍ଶନ ଦେଇ ମତେ ଧନ୍ୟ କରିଛ । ଆଉ ସେ ଅନୁଭୂତି ଏମିତି ଯେ ସେହି ଯିଏ ଚାହିଛି ସେ ପାଇଛି । ବିଶ୍ୱରୂପ ଦେଖିନାହିଁ ପ୍ରଭୃ , ହେଲେ ସେ ଚାହାଣୀରେ ବିଶ୍ୱକୁ ଦେଖୁଛି । ଗୋଲ ଗୋଲ ଚକା ନୟନର ପ୍ରେମରେ ପୁରା ବିଶ୍ୱ ପଡ଼ିଛି । ଆଉ ମୁଁ ତ ନିମିତ ମାତ୍ର । କାହିକଁ କେଜାଣି ପ୍ରଭୁ ତମକୁ ଦେଖିଲେ ଯେ କେହି ହଜିଯିବ ସେ ଚକା ନୟନରେ । ଆପେ ଆପେ ଆଖିରୁ ଝରି ପଡ଼ିବ ଆନନ୍ଦର ଲୁହ । ସେ ଚାହାଣୀରେ କି ଯାଦୁ ରହିଛି , ଯିଏ ଚାହିଁଦେବ ସବୁ କିଛି ଭୂଲି ଯିବ । ହଜିଯିବ ଚକା ନୟନ ଭିତରେ । ଏ ଆପଣଙ୍କ ଲିଳା ନା ଆମମାନଙ୍କ ଜୀବନ ଧାରା ତାହା ବି ଆମକୁ ଜଣାନାହିଁ । ନିଜେ ବିଶ୍ୱକର୍ମା ସାଜି ନିଜକୁ ଏମିତି ଗଢିଛନ୍ତି ଯେଉଁଠି ଯେମିତି ଯିଏ ଆପଣଙଙ୍କୁ ଚାହିଁବ ସେ ଅନୁଭବ କରିବ ପ୍ରଭୁ ଆପଣ ତାକୁ ହିଁ ଚାହିଛନ୍ତି । ଅନୁଭବ କରିବ କଣ ତାହା ସତ୍ୟ । ସେଥିପାଇଁ ତ ପ୍ରଭୁ ଆପଣ ବିଶ୍ୱକର୍ତ୍ତା । ଏ ଭଲ,ମନ୍ଦ, ସୁଖ , ଦୁଃଖ ଯାହା ଘଟୁଛି ତାହା ତ ଆପଣଙ୍କ ଚକା ଡ଼ୋଳା ଦେଖିୁଛି । ସବୁ ଜାଣୁଛି । ତଥାପି ଏ ଚାହାଣିରୁ କାହିକିଁ ମଣିଷ ସମାଜକୁ ଦୁୂରେଇ ଦେଉଛି । ଯେଉଁ ଚାହାଣି ପାଇଁ ପୁରା ବିଶ୍ୱ ପାଗଳ , ସେ ଚାହାଣି , ସେ ଚକା ଡୋଳା ଏବେ ସଭିଁଙ୍କୁ ଚାହୁଦେଉ । ଯେଉଁ ଦିବ୍ୟ ଆଖି ଚର୍ମ ଆଖିରେ ମିଳନ ହେବା କ୍ଷଣି ସଂସାରରୁ ସମସ୍ତ ପାପା, ଦୁଃଖ, ଯନ୍ତ୍ରଣା ଦୂରେଇ ଯାଉ ପ୍ରଭୁ । ସେ ଚାହାଣିରେ ଆମ ଚାହାଣି ମିଶି ଯେତେ ଅଶ୍ରୁର ଧାରା ବହୁଛି , ବହୁଚ ପଛେ । ହେଲେ ସେ ଭାଗ୍ୟ ସମସ୍ତଙ୍କ ମିଳୁ । ଆଜି ଏମିତି ପ୍ରାର୍ଥନା କରୁଛୁ ଆମ ବିଶ୍ୱକର୍ତ୍ତା ପାଖରେ । ସେ ଚାହାଣୀରେ ଦୁୂରେଇ ଯାଉ ସବୁ କୁ-ଚିନ୍ତା, ଆଉ ଆଣିଦେଉ ମନରେ ଶାନ୍ତି । ଏମିତି ପ୍ରାର୍ଥନା ଜଗତର ନାଥ ଜଗନ୍ନାଥ । ଭକ୍ତ ମନରେ ସବୁବେଳେ ଗୋଟିଏ ଚିନ୍ତା ତତେ ଦେଖି ସବୁ ଭୂଲିଯାଏ ପ୍ରଭୃ …
