() କଥାରେ ଅଛି ଗୁରୁର୍ ବ୍ରହ୍ମା ଗୁରୁର୍ ବିଷ୍ଣୁ ଗୁରୁଃ ଦେବୋ ମହେଶ୍ୱରଃ ।ଗୁରୁର୍ ସାକ୍ଷାତ୍ ପରବ୍ରହ୍ମ ତସ୍ମୈଃ ଶ୍ରୀ ଗୁରବେ ନମଃ ।। ଗୁରୁ ହେଉଛନ୍ତି ସର୍ବ ଶକ୍ତିମାନ୍। ଗୁରୁ ହିଁ ସମାଜକୁ ଦିଗ୍ଦର୍ଶନ ଦେଇଥାନ୍ତି। ସେଥିପାଇଁ ପ୍ରତିବର୍ଷ ସେପ୍ଟେମ୍ବର ୫କୁ ସାରାଦେଶର ଛାତ୍ର ଛାତ୍ରୀ ଗୁରୁ ଦିବସ ଭାବେ ପାଳନ କରନ୍ତି। ଗୁରୁ ହିଁ ଜଣେ ବ୍ୟକ୍ତିକୁ ଜୀବନର ସଫଳତାର ଶିଖରକୁ ନେଇ ଯାଆନ୍ତି। ଗୁରୁଙ୍କ ଆଶୀର୍ବାଦରେ ଆମେ ଅଜ୍ଞତାର ଅନ୍ଧକାରରୁ ଜ୍ଞାନର ଆଲୋକକୁ ଯାଇଥାଉ। ସେଥିପାଇଁ ପ୍ରତିବର୍ଷ ଗୁରୁ ଦିବସରେ ଛାତ୍ରଛାତ୍ରୀ ମାନେ ସେମାନଙ୍କ ଶିକ୍ଷକ ମାନଙ୍କ ପ୍ରତି ଥିବା ସମ୍ମାନ ଓ କୃତଜ୍ଞତା ଜ୍ଞାପନ କରିଥାନ୍ତି । ୧୮୮୮ ମସିହା ର ଆଜିର ଦିନରେ ଭାରତର ପୂର୍ବତନ ରାଷ୍ଟ୍ରପତି ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନ୍ ଜନ୍ମ ଗ୍ରହଣ କରିଥିଲେ। ସେ ଥିଲେ ଶିକ୍ଷକ ବତ୍ସଳ। ସେ ସମାଜ ଗଠନକାରୀ ଶିକ୍ଷକ ମାନଙ୍କୁ ହୃଦୟରୁ ଭଲ ପାଉଥିବା ସହ ସର୍ବଦା ଶିକ୍ଷକଙ୍କ ସମ୍ମାନ ପାଇଁ ସଦା ସର୍ବଦା ଚେଷ୍ଟିତ ଥିଲେ । ସେଥିପାଇଁ ତାଙ୍କ ଜନ୍ମଦିନକୁ ଗୁରୁ ଦିବସ ଭାବରେ ପାଳନ କରାଯାଏ। ଯୁଗ ଥିଲା ଗୁରୁଙ୍କୁ ସମାଜରେ ଉଚ୍ଚ ଆସନ ଦିଆଯାଉଥିଲା। କିନ୍ତୁ ଆଜିର ଯୁଗରେ ଗୁରୁ ନିଜ ହକ୍ ପାଇଁ ରାଜ ରାସ୍ତାକୁ ଓଲ୍ହାଉଛନ୍ତି। ଯାହା ଆଗାମୀ ପିଢୀ ପାଇଁ କ୍ଷତି କାରକ।
