( ) ବାଣ ଫୁଟିଲେ, କରୋନା ବଢ଼ିବ । ଦୀପାବଳି ପୂର୍ବରୁ ଏମିତି ଚିନ୍ତା ବଢାଇଲା ଭଳି ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ବିଭାଗ । ଡିଏମଇଟି ନିର୍ଦେଶକ କହିଛନ୍ତି, କରୋନା ରହିବା ଚିନ୍ତାଜନକ, ବଢ଼ିବା ଚିନ୍ତାଜନକ । ସେଥିରେ ସନ୍ଦେହ ନାହିଁ । କେନ୍ଦ୍ର ସରକାର ଯେତେବେଳେ ନିର୍ଦେଶନାମା ଜାରି କରିଛନ୍ତି, ଆମେ ସତର୍କ ରହିବା ଉଚିତ । ଆଗକୁ ଦୀପାବଳି ଅଛି, ଏହା ପାର୍ବଣର ସମୟ । ଏଣୁ କରୋନା ସଂକ୍ରମଣର ଆଶଙ୍କା ଅଛି । ଆମ ସଂସ୍କୃତିରେ ଦୀପାବଳିରେ ବାଣ ଫୁଟାଇବାର ପରମ୍ପରା ରହିଛି । ବାଣ ଫୁଟାଇଲେ ବାୟୁ ପ୍ରଦୂଷଣ ହୁଏ । ବାୟୁ ପ୍ରଦୂଷଣ ହେଲେ ଗୁଡ଼ାଏ ଟାକ୍ସିକ ପଦାର୍ଥ ବାୟୁମଣ୍ଡଳକୁ ଯାଏ, ଯାହାକି କ୍ଷତିକାରକ । ବର୍ତ୍ତମାନ ସୁଦ୍ଧାର ଷ୍ଟଡି କହୁଛି, ବାଣ ଫୁଟାଇଲେ ନାଇଟ୍ରିକ ଡାଇଅକ୍ସାଇଡ ବାହାରିଥାଏ, ଯାହାକି କରୋନା ଭୂତାଣୁ ଅଭିବୃଦ୍ଧିରେ ସାହାଯ୍ୟ କରେ, ସଂକ୍ରମଣ ବି ବଢାଇଥାଏ । ଏସବୁ ଦୃଷ୍ଟିରୁ ଯାହା ବି ସାମାନ୍ୟ ପ୍ରଭାବର ଆଶଙ୍କା ରହିଛି, ସେଥିପାଇଁ ପଦକ୍ଷେପ ନିଆଯିବା ଉଚିତ ।
ବାଇଟ- ଡାକ୍ତର ସିବିକେ ମହାନ୍ତି, ଡିଏମଇଟି ନିର୍ଦେଶକ
