{} ଦରଦାମ ବୃଦ୍ଧି ପ୍ରସଙ୍ଗକୁ ନେଇ ବିଜେଡିର ସାମ୍ବାଦିକ ସମ୍ମିଳନୀ।
ଦଳର ମୁଖପାତ୍ର ପ୍ରତାପ ଦେବ, ବିଧାୟକ ଅତନୁ ସବ୍ୟସାଚୀ ନାୟକ ଓ ଉପ ସଭା ନେତ୍ରୀ ପ୍ରମିଳା ମଲିକ ଉପସ୍ଥିତ । ଦୀର୍ଘ ଦିନ ପରେ ପୁଣି ଥରେ ଦରଦାମ ବୃଦ୍ଧି ପ୍ରସଙ୍ଗ ଉଠାଇ କେନ୍ଦ୍ରକୁ ଟାର୍ଗେଟ କରିଛି ବିଜେଡି । ଏଲପିଜି ଦର ବୃଦ୍ଧି ନେଇ ଅତନୁ ସବ୍ୟସାଚୀ କହିଛନ୍ତି ଏହା ସାଧାରଣ ଲୋକଙ୍କ ପାଇଁ ବେଡି ଉପରେ ସାଜିଛି । କେବଳ ଗ୍ୟାସ ଓ ତୈଳ ଦର ନୁହେଁ ଅତ୍ୟାବଶ୍ୟକ ସାମଗ୍ରୀ ବଢ଼ିଛି । ଏଥିପାଇଁ ସାଧାରଣ ଲୋକଙ୍କ ଜୀବନ ଓ ଜୀବିକା ପ୍ରଭାବିତ ହୋଇଥିବା କହିଛନ୍ତି ଅତନୁ । ସ୍ଥିତିରେ ସୁଧାର ଆଣିବା ପାଇଁ କେନ୍ଦ୍ର ସରକାର କିଛି ପଦକ୍ଷେପ ନେଉ ନଥିବା କହିଲେ ଅତନୁ । କୋରନା କମିଥିଲେ ବି ଦରଦାମରେ ରୋକ ଲାଗୁନି । ବିଜେପି ସରକାର ଆର୍ଥିକ ପରିଚାଳନାରେ ବିଫଳ ହୋଇଛି । ବିଜେପି ଯେଉଁ ବିକାଶ ଆଣିବ ବୋଲି କହିଥିଲା ଏହା କଣ ସେହି ବିକାଶ ବୋଲି ପ୍ରଶ୍ନ କଲେ ଅତନୁ । ସଧାରଣ ଲୋକଙ୍କ ସମସ୍ୟା କୁ ଦୃଷ୍ଟିରେ ରଖି ରାଜରାସ୍ତାକୁ ଓହ୍ଲାଇବ ବିଜେଡି ।ଦୁଇ ବର୍ଷ ଭିତରେ 30 ପ୍ରତିଶତ ତୈଳ ଦର ବୃଦ୍ଧି ପାଇଛି । ଯାହା ଦ୍ୱାରା ଟ୍ରାନ୍ସପୋର୍ଟ ଉପରେ ପ୍ରଭାବ ପଡୁଛି । ଉଜ୍ଜଲା ପ୍ରସଙ୍ଗ ଉଠାଇ କହିଛନ୍ତି ସେ ଗ୍ୟାସ ଗୁଡିକ ରିପିଲିଂ ହେଇ ପାରୁନି । 31 ତାରିଖରେ ବିଜୁ ଜନତା ଦଳର ଛାମୁଆ ସଂଗଠନ ରାଜଭବନ ସମୁଖରେ ଦରଦାମ ବୃଦ୍ଧି ନେଇ ପ୍ରତିବାଦ କରିବା ସହ ରାଜ୍ୟପାଳ ଙ୍କୁ ସ୍ମାରକ ପତ୍ର ଦେବେ। ନଭେମ୍ବର 1 ତାରିଖରେ ମହିଳା ସଂଗଠନ 147 ଟି ନିର୍ବାଚନ ମଣ୍ଡଳୀରେ ଗ୍ୟାସ ଦର ବୃଦ୍ଧି ନେଇ ପ୍ରତିବାଦ କରିବେ । ନଭେମ୍ବର 5 ରୁ 7 ଯୁବ ଛାତ୍ର ମାନେ ରାଜ୍ୟର ସମସ୍ତ ତେଲ ଟାଙ୍କି ଆଗରେ ବିକ୍ଷୋଭ କରିବେ ।
ପ୍ରମିଳା ମଲିକ, ବିଜେଡ଼ି ଉପ ସଭାନେତ୍ରୀ
