- Advertisement -
{} ଦରଦାମ ବୃଦ୍ଧି ନେଇ କେନ୍ଦ୍ରକୁ ଟାର୍ଗେଟ କଲା ବିଜେଡି । କୁଆଡେ ଗଲା ଅଛେ ଦିନ ବୋଲି ପ୍ରଶ୍ନ କଲା ଦଳ । 2014ରେ ଯେଉଁ ଅଚ୍ଛେଦିନ ର ନାରା ଦେଇଥିଲେ ସେହି ସମୟର ଦର ଦାମ ଏବେ ଲାଗୁ କରନ୍ତୁ । କୋଭିଡ ଯୋଗୁ ସାଧାରଣ ଲୋକଙ୍କ ଆର୍ଥିକ ମେରୁଦଣ୍ଡ ଭାଙ୍ଗିଛି । ଦର ଦାମ ବୃଦ୍ଧି କରି ସାଧାରଣ ଲୋକଙ୍କ ପେଟକୁ ଲାତ ମାରିଛି କେନ୍ଦ୍ର ସରକାର । ତୁରନ୍ତ ଦର ଦାମ କୁ ନିୟନ୍ତ୍ରଣ କରାଯାଉ । ନ ହେଲେ ଗାଁ ଗାଁ କୁ ଆମେ ଏହି ପ୍ରସଙ୍ଗ ନେଇ ଯିବୁ । ଲୋକେ ଅତିଷ୍ଠ ହୋଇ ପଡିଲେଣି । କେନ୍ଦ୍ର ସରକାରଙ୍କ ଭୁଲ ଅର୍ଥନୈତିକ ପରିଚାଳନା ଯୋଗୁ ଏପରି ଘଟୁଛି ବୋଲି କହିଲେ ଦଳର ବରିଷ୍ଠ ଉପ ସଭାପତି ଦେବୀ ମିଶ୍ର ।
ସେପଟେ ଦର ଦାମ ପ୍ରସଙ୍ଗରେ ବି କେନ୍ଦ୍ର କୁ ଟାର୍ଗେଟ କଲା କଂଗ୍ରେସ । ସୁରେଶ ରାଉତରାୟଙ୍କ ପ୍ରତିକ୍ରିୟା ରଖି କହିଛନ୍ତି ସାଧାରଣ ଲୋକଙ୍କୁ ଶୋଷଣ କରୁଛନ୍ତି କେନ୍ଦ୍ର ସରକାର । ଆଗାମୀ ଦିନରେ ଏହାକୁ ନେଇ ଆନ୍ଦୋଳନ କରିବାକୁ ଚେତାବନୀ ଦେଲା କଂଗ୍ରେସ ।
