( ) କଂଗ୍ରେସ ପଞ୍ଚାୟତ ନିର୍ବାଚନ ପାଇଁ ସମ୍ପୂର୍ଣ୍ଣ ପ୍ରସ୍ତୁତ । ନାମାଙ୍କନ ପତ୍ର ଦାଖଲ ହେଉଛି। ଆପାତତ୍ତ କଂଗ୍ରେସ ଦଳର ଜିଲ୍ଲା ପରିଷଦ ପାଇଁ ଫାଇନାଲ ହୋଇ ସାରିଛି ।
ନିର୍ବାଚନ କମିଶନ ଦୁଇ ଜଣ ସରକାରୀ ଅଧିକାରୀଙ୍କ ଉପରେ ଯେଉଁ କାର୍ଯ୍ୟାନୁଷ୍ଠାନ ନେଲେ ତାହା ସ୍ୱାଗତ ଯୋଗ୍ୟ ମାତ୍ର ମୁଁ ଅନୁରୋଧ କରୁଛି ବିଭିନ୍ନ ସରକାରୀ ଯୋଜନାରେ ନେତା ମନ୍ତ୍ରୀ ମାନଙ୍କ ଫଟୋ ଥିବା ହୋଡ଼ିଂ ଏବେ ବି ରହିଛି । ତାକୁ ତୁରନ୍ତ ହଟାଯାଉ । ନ ହେଲେ ରାଜ୍ୟ ବ୍ୟାପି କଂଗ୍ରେସ ଆନ୍ଦୋଳନ କରିବ ।
ଜିଲ୍ଲା ପରିଷଦ ଓ ସମିତି ସଭ୍ୟ ପାଇଁ ପ୍ରାଥି ଯୋଗାଡ଼ କରିବା କଷ୍ଟସାଧ ହେଉଛି । ମାତ୍ର ଗୋଟିଏ ଗୋଟିଏ ପଞ୍ଚାୟତରେ 10 ରୁ 20 ଜଣ ବାହାରୁଛନ୍ତି ସରପଞ୍ଚ ହେବା ପାଇଁ । ଦଳୀୟ ଟିକେଟ ନଥିଲେ ମଧ୍ୟ ଦଳୀୟ ସମର୍ଥନ ପାଇଁ ବହୁତ ପ୍ରାଥି ବାହାରୁଛନ୍ତି ସରପଞ୍ଚ ପାଇଁ । ଗତ କିଛି ଦିନ ହେବ ସିଧାସଳଖ ସରପଞ୍ଚ ମାନଙ୍କୁ ଟଙ୍କା ଆସିଲା ବିକାଶ ନାଁରେ ସରକାରୀ ଅଧିକାରୀ ବିନାଶର ବିଜ ବୁଣିଛନ୍ତି । ଦୁର୍ନୀତି ଅଧିକ ହେଲା ଅନେକ ସରପଞ୍ଚ ସେହି ଟଙ୍କାରେ ଗାଡି କିଣିଲେ ଘର କଲେ ବ୍ୟାଙ୍କ ବଲାନ୍ସ ବଢିଗଲା ଏହାକୁ ଦେଖି କି ଏବେ ଲୋକମାନେ ସରପଞ୍ଚ ହେବା ପାଇଁ ପାଗଳ ହୋଇଯାଇଛନ୍ତି । ସରପଞ୍ଚ ମାନଙ୍କୁ ଜିଲ୍ଲାପାଳ କ୍ଷମତା ଦିଆଯିବା ପରେ ଏହି ଆଗ୍ରହ ଅଧିକ ବଢିଛି ।ପଞ୍ଚାୟତ ନିର୍ବାଚନ ପାଇଁ କଂଗ୍ରେସର କେମିତି ରହିଛି ହୋମୱାର୍କ ପ୍ରଶ୍ନରେ ତାରାଙ୍କ ଉତ୍ତର । କଂଗ୍ରେସର ତ ହୋମ ତ ନାହିଁ ୱାର୍କ କେଉଁଠି ଆସିବ ବୋଲି କହିଲେ ତାରା । ପିସିସି ସଭାପତି ଘରେ ଲୁଚିଛନ୍ତି କି ହୋଟେଲରେ ଲୁଚିଛନ୍ତି ମୁଁ ଜାଣିନି । ମାତ୍ର ମୋର ବି ତାଙ୍କ ସହ ଯୋଗାଯୋଗ ହୋଇ ପାରିନି । ଆମର ତ ଆଉ ନୂଆ ନେତୃତ୍ୱ ହେବାର ନାହିଁ ତେଣୁ ନିରଞ୍ଜନଙ୍କ ନେତୃତ୍ୱରେ ହିଁ ଲଢ଼ିବାକୁ ପଡ଼ିବ । ସେ ଘରେ ବସନ୍ତୁ କି ହୋଟେଲରେ ରୁହନ୍ତୁ । ତାରା ପ୍ରସାଦ ବାହିନୀପତି, କଂଗ୍ରେସ ବିଧାୟକ
