()ସଂଗଠନ ସଜାଡୁଛି କଂଗ୍ରେସ । ନବ ସଂକଳ୍ପ ଶିବିରରେ ୨୦୨୪ ପାଇଁ ଚାଲିଛି ମାନସ ମନ୍ଥନ । ଗତକାଲିଠୁ ଆରମ୍ଭ ହୋଇଥିବା କଂଗ୍ରେସର ନବ ସଂକଳ୍ପ ଶିବିରର ଆଜି ଦ୍ବିତୀୟ ତଥା ଅନ୍ତିମ ଦିନ । ରାଜସ୍ଥାନ ଜୟପୁର ଚିନ୍ତନ ଶିବିର ଏଜେଣ୍ଡା ନେଇ ବୈଠକରେ ହେଉଛି ପୁଙ୍ଖାନୁପୁଙ୍ଖ ଆଲୋଚନା । ଚିନ୍ତନ ବୈଠକରେ ନିଆଯାଇଥିବା ନିଷ୍ପତ୍ତି କାର୍ଯ୍ୟକାରୀ କରିବା ପାଇଁ ଏଆଇସିସି ନିର୍ଦ୍ଦେଶକୁ ଦଳର ମଙ୍ଗୁଆଳଙ୍କୁ ଅବଗତ କରାଯାଇଛି । ପରିବାରରୁ ଜଣକୁ ଟିକେଟ୍, ୫୦ପ୍ରତିଶତ ଯୁବପୀଢିଙ୍କୁ ଟିକେଟ, ଦଳରେ ଶୃଙ୍ଖଳା ବଜାୟ ରଖିବା, ଏକଜୁଟ ହୋଇ କାମ କରିବା ନେଇ ବୈଠକରେ ଆଲୋଚନା ହୋଇଥିଲା । ଚିନ୍ତନ ଶିବିର ନିଷ୍ପତ୍ତିକୁ ରାଜ୍ୟରେ କାର୍ଯ୍ୟକାରୀ କରିବା ସପକ୍ଷରେ ବରିଷ୍ଠ ନେତା ଯୁକ୍ତି ବାଢିଛନ୍ତି। ତୃଣମୂଳସ୍ତରରୁ ପିସିସି ଯାଏଁ ଏକମନ ହୋଇ କାମ କରିବାକୁ ନେତା ଓ କର୍ମୀଙ୍କୁ ନବ ସଂକଳ୍ପ ଶିବିରରେ ଆହ୍ବାନ ଦେଇଛନ୍ତି ପିସିସି ସଭାପତି ଶରତ ପଟ୍ଟନାୟକ । ତୃଣମୂଳସ୍ତରରେ କଂଗ୍ରେସକୁ ମଜବୁତ କରିବା ପାଇଁ ପ୍ରତି ଜିଲ୍ଲାରେ ୭୫ କିଲୋମିଟର ପଦଯାତ୍ରା କରିବ ଦଳ। ଆସନ୍ତା ଅଗଷ୍ଟ ୯ତାରିଖରୁ ଯାତ୍ରା ଆରମ୍ଭ ହେବ। ଦେଶ ପାଇଁ କଂଗ୍ରେସର ବଳିଦାନ କଣ ସେ ସମ୍ପର୍କରେ ଭୋଟରଙ୍କୁ ବୁଝାଇବ ଦଳ ।
