() ଢେଙ୍କାନାଳ ସହରରେ ବଡ ଆଡମ୍ଭର ସହକାରେ ବିଘ୍ନରାଜ ଗଜାନନଙ୍କ ପୂଜା ଅନୁଷ୍ଠିତ ହୋଇଯାଇଛି।ଗଣେଶ ପୂଜା ଠାରୁ ପାର୍ବଣ ଋତୁ ଆରମ୍ଭ ହେଉଥିବା ବେଳେ ଆଜି ସହରର ବିଭିନ୍ନ କ୍ଲବ୍ ଓ ଶିକ୍ଷାନୁଷ୍ଠାନ ମାନଙ୍କରେ ଗଣେଶ ପୂଜା ଅତି ଧୁମଧାମ ର ସହ ଅନୁଷ୍ଠିତ ହୋଇଯାଇଛି। ପୂଜା ଟିକୁ ଅଧିକ ଶୃଙ୍ଖଳିତ କରିବା ପାଇଁ ଜିଲ୍ଲାପ୍ରଶାସନ ପୂର୍ବରୁ ପ୍ରସ୍ତୁତି ବୈଠକରେ ସହରର ବିଭିନ୍ନ ପୂଜା କମିଟି ସଦସ୍ୟଙ୍କ ସହ ଆଲୋଚନା କରିଥିଲେ।
ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ନିର୍ଦ୍ଦେଶ କ୍ରମେ ସମସ୍ତ ପୂଜା କମିଟି କର୍ମକର୍ତ୍ତା ଜିଲ୍ଲାପାଳ ଙ୍କ ନିର୍ଦ୍ଦେଶ କୁ ମାନି ପୂଜା ଓ ଶାନ୍ତି ଶୃଙ୍ଖଳା କୁ ଗୁରୁତ୍ଵ ଦେଇଥିବା କହିଛନ୍ତି। ଚଳିତବର୍ଷ ଢେଙ୍କାନାଳ ସହରର ୩୮ ମଣ୍ଡପରେ ବିଘ୍ନ ବିନାଶକଙ୍କ ପୂଜା ଅନୁଷ୍ଠିତ ହୋଇଛି।ଦୀର୍ଘ 30 ବର୍ଷ ଧରି ବସଷ୍ଟାଣ୍ଡ ରେ ଥିବା ଅମ୍ଲପଡା ପୂଜାକମିଟି ଗଣେଶ ପୂଜା ଆୟୋଜନ କରିଆସୁଥିବା ବଳେ ଚଳିତ ବର୍ଷ ମଧ୍ୟ ବେଶ୍ ଧୁମ୍ ଧାମରେ ବିଘ୍ନ ବିନାଶକଙ୍କ ପୂଜା ଅନୁଷ୍ଠିତ ହୋଇ ଯାଇଛି। କିମିଟି ର ସଭାପତି ଶ୍ରୀଯୁକ୍ତ ଦେଵୀ ପ୍ରସାଦ ମିଶ୍ର , ସମ୍ପାଦକ ଶିବାଶିଷ ମାନସିଂହ ଓ ତାଙ୍କ କମିଟି ର ସଦସ୍ୟ ମାନେ ମିଳିମିଶି ପୂଜା ଟିକୁ ସମ୍ପନ୍ନ କରିଛନ୍ତି।
