() ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ପରିଚାଳିତ ହାଇସ୍କୁଲ ପରିଷଦର ମାଟ୍ରିକ୍ ପରୀକ୍ଷା ଫଳ ଆସନ୍ତା ୧୮ତାରିଖ ପୂର୍ବାହ୍ନ ପ୍ରାୟ ୧୦ଟା ରେ ପ୍ରକାଶ ପାଇବ। ମାଧ୍ୟମିକ ଶିକ୍ଷା ପରିଷଦ ତଥା (ବୋର୍ଡ) ର ମୁଖ୍ୟ କାର୍ଯ୍ୟାଳୟ ରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଏବଂ ସଚିବଙ୍କ ଦ୍ଵାରା ଉନ୍ମୋଚିତ ହେବ। ମଧ୍ୟାହ୍ନ ପ୍ରାୟ ୧୨ଟାରୁ ବୋର୍ଡ଼ ୱେବସାଇଟ ରେ ଛାତ୍ରଛାତ୍ରୀ ମାନେ ନିଜର ପରୀକ୍ଷା ଫଳ ଜାଣିପାରିବେ । ଛାତ୍ରଛାତ୍ରୀ ମାନେ sms ଦ୍ଵାରା ମଧ୍ୟ ନିଜର ପରୀକ୍ଷା ଫଳ ଜାଣିପାରିବେ। ଏଥିପାଇଁ ସେ ନିଜ ମୋବାଇଲରୁ OR-10 ସହ ନିଜର ରୋଲ୍ ନମ୍ବର ଟାଇପ୍ କରି ୫୬୭୬୫୦ କୁ sms କରି ନିଜ ପରୀକ୍ଷା ଫଳ ଜାଣିପାରିବେ। ପରିକ୍ଷାର୍ଥୀ ପାଇଥିବା ନମ୍ବର ରେ କିଛି ତ୍ରୁଟି ଥିଲେ ସେ ମାନେ ଏହି ନମ୍ବରରେ ୦୬୭୧-୨୪୧୫୪୬୦ ଯୋଗାଯୋଗ କରି ନିଜର ଅସୁବିଧା ଜଣାଇ ପାରିବେ। ଯଦି ଛାତ୍ରଛାତ୍ରୀ ମାନେ ନିଜର ପରୀକ୍ଷା ଖାତା କୁ ପୁନଃ ମୂଲ୍ୟାୟନ କରିବା ପାଇଁ ଚାହିଁଲେ ତେବେ ତାଙ୍କୁ ଏକ ମାସର ସମୟ ଦିଆଯିବ ବୋଲି ବୋର୍ଡ ପକ୍ଷରୁ ଜଣାଯାଇଛି। ବୋର୍ଡ ପକ୍ଷରୁ ଛାତ୍ରଛତ୍ରୀମାନଙ୍କୁ ଗ୍ରେସ ମାର୍କ ପ୍ରଦାନ କରାଯାଇଛି। ତ୍ରୁଟି ଶୂନ୍ୟ ପରୀକ୍ଷା ପରୀକ୍ଷା ଫଳ ପ୍ରକାଶ କରିବା ପାଇଁ ବୋର୍ଡ ଆଶା ବ୍ୟକ୍ତ କରିଛି।
