( ) ଦେଶରେ ଟୀକାକରଣ 100 କୋଟି ଡୋଜ ପାର କରିଛି । ଟୀକାକରଣରେ ଏହା ଏକ ମାଇଲଖୁଣ୍ଟ । ଓଡ଼ିଶାରେ ମଧ୍ୟ ଟୀକାକରଣ ଦ୍ରୁତ ଗତିରେ ଚାଲିଛି । ବର୍ତ୍ତମାନ ସୁଦ୍ଧା 3 କୋଟି 48 ଲକ୍ଷ ଡୋଜ ଟୀକା ଦିଆ ସରିଲାଣି । ତା ଭିତରୁ 2.46 କୋଟି ହିତାଧିକାରୀ ପ୍ରଥମ ଡୋଜ ଓ 1 କୋଟି 2 ଲକ୍ଷ ହିତାଧିକାରୀ ଉଭୟ ଡୋଜ ଟୀକା ନେଇ ସାରିଲେଣି ।
ଅର୍ଥାତ 76% ହିତାଧିକାରୀ ଗୋଟିଏ ଡୋଜ ଟୀକା ପାଇ ସାରିଛନ୍ତି । 33% ଉଭୟ ଡୋଜ ଟୀକା ନେଇ ସାରିଛନ୍ତି । ଆଜି 1850 ଟୀକାକରଣ କେନ୍ଦ୍ରରେ ଟୀକା ଦିଆଯାଉଛି । ଆମ ପାଖରେ 22 ଲକ୍ଷ ଟୀକା ମହଜୁଦ ଅଛି । ପାର୍ବଣ ଯୋଗୁ ଟୀକାକରଣ ସାମାନ୍ୟ ଧିମେଇଥିଲା । ଡିସେମ୍ବର ଶେଷ ସୁଦ୍ଧା ରାଜ୍ୟର ସବୁ ହିତାଧିକାରୀଙ୍କୁ ଅତିକମରେ ଗୋଟିଏ ଡୋଜ ଟୀକା ଦେବାକୁ ଲକ୍ଷ୍ୟ ରଖାଯାଇଛି ।
ଶିଶୁଙ୍କ ଟୀକାକରଣ ଲାଗି…
ଶିଶୁଙ୍କ ଟୀକାକରଣ ଲାଗି ପ୍ରସ୍ତୁତି ଆରମ୍ଭ ହୋଇଯାଇଛି । ଏଥିପାଇଁ ଏବେ ବିଚାରବିମର୍ଶ ଚାଲିଛି । ପିଲାଙ୍କ ଟୀକାକରଣ ଲାଗି ଆସନ୍ତାକାଲି ଜାତୀୟ ସ୍ତରରେ ସବୁ ରାଜ୍ୟର ଅଧିକାରୀଙ୍କୁ ଭରଚୁଆଲ ପ୍ରଶିକ୍ଷଣ ଦିଆଯିବ । ଏହାପରେ ରାଜ୍ୟ ସରକାର ଜିଲ୍ଲା ସ୍ତରୀୟ ଅଧିକାରୀଙ୍କୁ ପ୍ରଶିକ୍ଷଣ ଦେବାର ବ୍ୟବସ୍ଥା କରିବେ । ଶିଶୁଙ୍କୁ କୋଭକ୍ସିନ ଟୀକା ଦେବା ଲାଗି କେବଳ ସବଜେକ୍ଟ ଏକ୍ସପର୍ଟ କମିଟି ଅନୁମୋଦନ କରିଛି । DCGI ଅନୁମୋଦନ କରିବ । ଏହାପରେ ସରକାର ଅନୁଧ୍ୟାନ କରି ଟୀକାକରଣ ନିର୍ଦେଶ ଆସିବା ପରେ ଆମେ ଟୀକାକରଣ ଆରମ୍ଭ କରିବୁ । ତେବେ 2ରୁ 18 ବର୍ଷର ସବୁ ପିଲାଙ୍କୁ ଦିଆଯିବ କି କିଛି ନିର୍ଦିଷ୍ଟ ବର୍ଗଙ୍କୁ ଦିଆଯିବ, ତାହା ସ୍ପଷ୍ଟ ହୋଇନି ।
ଆମ ରାଜ୍ୟରେ 2ରୁ 18 ବର୍ଷ ବୟସ ବର୍ଗର 1 କୋଟି 40 ଲକ୍ଷ ହିତାଧିକାରୀ ଅଛନ୍ତି । ଶିଶୁଙ୍କ ଟୀକାକରଣ ଆରମ୍ଭ ହେଲେ ଅଧିକ ଟୀକାକରଣ କେନ୍ଦ୍ର ବଢ଼ାଯିବ । ଶିଶୁଙ୍କ ଟୀକାକରଣ ଲାଗି ପୂର୍ବରୁ ରାଜ୍ୟରେ ଆବଶ୍ୟକ ଭିତ୍ତିଭୂମି ଅଛି । କେନ୍ଦ୍ରର ନିର୍ଦେଶ ଆସିବା ମାତ୍ରେ ଶିଶୁଙ୍କ ଟୀକାକରଣ କରାଯିବ । ଶିଶୁଙ୍କୁ କାଡ଼ିଲାର ଜାଇକଭ-ଡି 3ଟା ଡୋଜ ଦିଆଯିବ । ତେବେ କୋଭକ୍ସିନର ଦୁଇଟି ଡୋଜ ଦିଆଯିବ ।
ବାଇଟ- ଡକ୍ଟର ବିଜୟ ପାଣିଗ୍ରାହୀ, ପରିବାର କଲ୍ୟାଣ ନିର୍ଦେଶକ
