() ଗାଁ ରାସ୍ତାକୁ ବିନା ଅନୁମତିରେ ଖୋଳିଲେ ଏଣିକି ଜୋରିମାନ ସହ ଜେଲ ଯିବାକୁ ପଡିବ । ନିମ୍ନ ମାନର କାମ ଆଳରେ ରାଜ୍ୟର ସଂମ୍ପତ୍ତିକୁ ନଷ୍ଟ କରୁଛନ୍ତି ଅସାଧୁ ବ୍ୟକ୍ତିମାନଙ୍କ ପାଇଁ ଏପରି କଠୋର ନିୟମ କରିଛି ଗ୍ରାମ୍ୟ ଉନ୍ନୟନ ବିଭାଗ । ଗ୍ରାମ୍ୟ ଉନ୍ନୟନ ବିଭାଗ କୌଣସି ନିମ୍ନମାନର ପିଚୁ ରାସ୍ତା, ମେଟାଲର କାମକୁ ପ୍ରଶୟ ଦେଉନଥିବାରୁ ଲୋକମାନେ ଅଯଥାରେ ନଖୋଳିବାକୁ ନିଦ୍ଦେଶ ଦେଇଛି ବିଭାଗ । ଏନେଇ ଏଣିକି ମନ୍ଦ ଉଦ୍ଦେଶ୍ୟ ରଖି ଯେଉଁମାନେ ଏପରି କାମ କରୁଛନ୍ତି ସେମାନେ ସତର୍କ କରାଇଦେଇଛି ବିଭାଗ । ଅନ୍ୟପଟେ ଗ୍ରାମ୍ୟ ବିଭାଗର ଏପରି ନିଷ୍ପତିକୁ ରାଜନୈତିକ ଦଳ ଗୁଡ଼ିକ ସ୍ବାଗତ କରିବା ସହ କେତେକ ପ୍ରଶ୍ନ ଉଠାଇଛନ୍ତି । ପାଣି ପାଇବ ବିଛେଇବା, ବିଭିନ୍ନ ସଭା ସମିତି ଓ ଅନ୍ୟାନ୍ୟ କାମ ପାଇଁ ମଧ୍ୟ ଲୋକମାନେ ଗାଁ ରାସ୍ତାକୁ ଖୋଳି ରାଜ୍ୟ ସମ୍ପତ୍ତି ନଷ୍ଟ କରୁଛନ୍ତି । ତେବେ କୌଣସି ଠିକାଦାର ଯଦି ନିମ୍ନ ମାନର କାମ କରିଥିଲେ ସଂପୃକ୍ତ ଠିକାଦାର ଓ ଯନ୍ତ୍ରୀଙ୍କ ବିରୋଧରେ ମଧ୍ୟ ଦୃଢ କାଯ୍ୟାନୁଷ୍ଠାନ ଗ୍ରହଣ କରିବାକୁ ନିଦ୍ଦେଶ ଦିଆଯାଇଛି ।
