ଚର୍ଚ୍ଚା ଓ ଚର୍ଚ୍ଚାରେ ରହିବାକୁ କିଏ ବା ଭଲନପାଏ । ବିଶେଷ କରି ଚଚ୍ଚିତ ବ୍ୟକ୍ତି , ସେଲିବ୍ରେଟି , ଖେଳାଳିମାନେ ତ ସବୁବେଳେ ଚର୍ଚ୍ଚାରେ ରହନ୍ତି । ସେ ଗଣମାଧ୍ୟମ ହେଉ କି ସୋସିଆଲ ମିଡ଼ିଆ । ଏପରି ଚର୍ଚ୍ଚା ଲାଗି ରୁହେ । ଯାହା ସଭିଁଙ୍କୁ ଜଣା । ଗପିବା ବେଳେ ସାଧାରଣ ସେଭଳି ବ୍ୟକ୍ତି ବିଶେଷକୁ ନେଇ ଚର୍ଚ୍ଚା କରାଯାଏ । ଯାହା ହେବା ବି ସ୍ୱଭାବିକ । ହେଲେ ଟିକେ ଟିକେ ଜଣାଥିବା ଚରିତ୍ରକୁ ନେଇ ଯେ ଘଣ୍ଟା ଘଣ୍ଟା ଓ ପ୍ରତି ମିନିଟରେ ଚର୍ଚ୍ଚା ଓ ଆଲୋଚନା ହେବ ତାହା ଅସ୍ୱଭାବିକ ହେଲେ ବି ଚର୍ଚ୍ଚାର ବିଷୟ ପାଲଟିଥାଏ । କାଳେ ସେ ଚର୍ଚ୍ଚାରେ ଅଳ୍ପ ପ୍ରେମ, ଅଳ୍ପ ଆନନ୍ଦ, ଓ ଅଳ୍ପ ଭାବନା ଳୁଚି ରହିଥାଏ । ଗହଳି ଭିତିରେ ତ କେତେବେଳେ ଶୂନଶାନ ସ୍ଥାନରେ ବି ତାକୁ ନେଇ ଚର୍ଚ୍ଚା ହୁଏ । କିଏ କଣ କହେ ତାହା ଠିକ ନଥାଏ, ହେଲେ ଚର୍ଚ୍ଚା ଭିତରେ ଏମିତି ଚରିତ୍ର ସବୁ ସାମ୍ନାକୁ ଆସନ୍ତି ଯାହା ଅଳ୍ପ ସମୟ ପାଇଁ ଭୁଲେଇଦିଏ ସବୁକିଛି । କେତେ ବାଜି , କେତେ ଚ୍ୟାଲେଜ ଲାଗେ ଶୂନଟାରେ ସେ ଚର୍ଚ୍ଚାରେ । ହେଲେ ବେଳେବଳେ ଏ ଚର୍ଚ୍ଚାକୁ ନେଇ ଭାବିଲେ ଲାଗେ ଯେ କଣ ସେ ଆମେରିକା ରାଷ୍ଟ୍ରପତି ନାଁ ଭାରତର ପ୍ରଧାନମନ୍ତ୍ରୀ । ନା ଜଣେ ମହାନ ବ୍ୟକ୍ତି । ଏ ଚର୍ଚ୍ଚା କାହିକିଁ । ଏ ଚର୍ଚ୍ଚାର ରାସ୍ତାର ସେ ଏକୁଟିଆ ବାଟୋଇ ନା ଆମେ ସବୁ ସେ ରାସ୍ତାକୁ ପଥଚାରୀ । ତାହା କାହାକୁ ବା ଜଣା । ସେ ଭାଗ୍ୟବାନ ନା ତାପାଖରେ କିଛି ଅଧିକ ଆକର୍ଷଣ ଅଛି । ଯେଉଁଥି ପାଇଁ କୌଣସି ଦୁର୍ବଳତା ନଥାଇ ବି ଆଜି ଏତେବଡ଼ ସମାଜ ଓ ବ୍ୟକ୍ତି ଜୀବନ ଭିତରେ କାହାର ଚର୍ଚ୍ଚାରେ ସେ ଆସିପାରିଛିି । ସତରେ ସେ କଣ କିଛିି ନକରି ବିି ଚର୍ଚ୍ଚିତ ହେଉଛି । କଣ ସତରେ ସେ ଜଣେ ଆର୍ଶୀବାଦ ପାଇଥିବା ଚଚ୍ଚିତ ଚେହାରା । ଏମିତି କେତେ କଥା ବି ମନକୁ ଆସେ । ହେଲେ ତା ଚର୍ଚ୍ଚାରେ ଆନନ୍ଦ ଥାଉ କି ନଥାଉ , କିନ୍ତୁ ମନ ତ ହାଲକା ହୁଏ । ଯେମିତି ବିନା ରଙ୍ଗରେ ରଙ୍ଗୀନ ହେବା, ଅମାବାସ୍ୟାର ଅନ୍ଦାର ରାତିରେ ଜୁଳୁଜୁଳିଆ ଫୋକ ଲାଇଟରେ ଚତୁପାଶ୍ୱର୍ ଆଲୋକିତ ହେବା ଓ ବିନା ମେଘରେ ମୟୁର ନାଚିବା । ଠିକ ସେମିତି ଏ ଚର୍ଚ୍ଚା । ଶେଷରେ ଏତିକିି କୁହାଯାଇ ପାରେ ତୁ କିଏ ଯେ ତତେ ନେଇ ଏତେ ଚର୍ଚ୍ଚା । ତୁ ନିଜେ ଜାଣିନଥିବୁ ତୋ ଚର୍ଚ୍ଚା କଣ ଓ କାହିକିଁ କିଏ କରେ । କେଉଁଠି ସର୍ମ୍ପକ ଅଛି ତୋ ସହ ଚର୍ଚ୍ଚା ହେବା ପଛରେ …
