- Advertisement -
() ପୋଲିସ ଉପରେ ବିଜେପି ଯୁବ ମୋର୍ଚ୍ଚା କର୍ମକର୍ତ୍ତାଙ୍କ ଆକ୍ରମଣ ନେଇ ପୁଣି ଉଭୟ ଦଳ ମଧ୍ୟରେ ଆରମ୍ଭ ହୋଇଛି ଟୁ ଇଟ ଲଢେ଼ଇ l ଧର୍ମେନ୍ଦ୍ର ପ୍ରଧାନଙ୍କ ଟୁଇଟର ଉତ୍ତର ରଖିଲେ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ l ପ୍ରଣବ ପ୍ରକାଶ ବିଧାନ ସଭା ଘେରାଉ ବେଳେ ଏକ ଭିଡ଼ିଓ କୁ ସେୟାର କରି କେନ୍ଦ୍ରମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି l ରାଜ୍ୟର ଆଇନ ଶୃଙ୍ଖଳା ନେଇ କେନ୍ଦ୍ରମନ୍ତ୍ରୀ ଉଠାଇ ଥିବା ପ୍ରଶ୍ନ ର ଉତ୍ତର ରଖି ସେ କହିଛନ୍ତି ଯେ ଭାଇ, ମୁଁ ଆପଣଙ୍କ ସାଙ୍ଗରେ ସଂପୂର୍ଣ୍ଣ ଏକମତ । ଗଣତନ୍ତ୍ରରେ ପ୍ରତିବାଦ କରିବାର ଅଧିକାର ସମସ୍ତଙ୍କର ଅଛି, ହେଲେ ଆତଙ୍କରାଜ ଓ ହିଂସାକାଣ୍ଡ ସୃଷ୍ଟି କରି ସୁରକ୍ଷାକର୍ମୀଙ୍କୁ ଲହୁଲୁହାଣ କରିବାର ଅଧିକାର ନାହିଁ । ଦୟାକରି ଏହି ଭିଡିଓକୁ ଦେଖନ୍ତୁ । ମୋର ଦୃଢ ବିଶ୍ୱାସ, ଆପଣ ନିଜ ମତ ବଦଳାଇବେ।
