ଭୁବନେଶ୍ୱର : ଜମିର କିଶମ ବଦଳାଇବା ପାଇଁ ୧ଲକ୍ଷ ୨୦ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି ବାଲିଅନ୍ତା ତହସିଲ୍ ଡ଼ାଟା ଏଣ୍ଟ୍ରି ଅପରେଟର ଧନେଶ୍ବର ସାହୁ। ତେବେ ସେ ନେଇଥିବା ଲାଞ୍ଚ ଟଙ୍କା ତହସିଲ୍ଦାର ମାଗିଛନ୍ତି ବୋଲି ଭିଜିଲାନ୍ସ ହାତରେ ଧରାପଡ଼ିବା ପରେ ଧନେଶ୍ବର ସଫେଇ ଦେଇଛନ୍ତି। ବାଲିଅନ୍ତା ତହସିଲ୍ ଅଫିସ୍ ଡ଼ାଟା ଏଣ୍ଟ୍ରି ଅପରେଟର ଧନେଶ୍ବର ସାହୁ ଭିଜିଲାନ୍ସ ଜାଲରେ ଧରାପଡ଼ିଛନ୍ତି। ୧ ଲକ୍ଷ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧନେଶ୍ବର ସାହୁଙ୍କୁ ଭିଜିଲାନ୍ସ ଟିମ୍ ଧରିଥିଲା। ଭୁବନେଶ୍ବର ଶାସ୍ତ୍ରୀନଗର ଅଞ୍ଚଳର କୈଳାସ ରଥଙ୍କ ଜମି(ଓଆର୍ଏଲ୍ କେସ୍ ନଂ.୨୦୩/୨୦୨୦)ର କିଶମ ବଦଳାଇବା ପାଇଁ ତହସିଲଦାର ଲାଞ୍ଚ ମାଗିଥିବା ବାଲିଅନ୍ତା ତହସିଲ୍ ଡ଼ାଟା ଏଣ୍ଟ୍ରି ଅପରେଟର ଧନେଶ୍ବର ସାହୁ କହିଥିଲେ। ଏ ବାବଦରେ ତହସିଲ୍ ଅଫିସ୍ ନିକଟରୁ କୈଳାସଙ୍କ ଠାରୁ ୧ଲକ୍ଷ ୨୦ ହଜାର ଟଙ୍କା ନେଇଥିଲେ। ପୂର୍ବ ଯୋଜନା ଅନୁଯାୟୀ ଭିଜିଲାନ୍ସ ଟିମ୍ ରେଡ୍ ହ୍ୟାଣ୍ଡରେ ବାଲିଅନ୍ତା ତହସିଲ୍ ଡ଼ାଟା ଏଣ୍ଟ୍ରି ଅପରେଟର ଧନେଶ୍ବର ସାହୁଙ୍କୁ ଧରିଥିଲେ ଓ କେମିକାଲ୍ ଲାଗିଥିବା ଟଙ୍କା ଜବତ କରିଥିଲେ। ଏହାସହିତ ତହସିଲ୍ଦାର ରଶ୍ମି ରେଖା ପ୍ରଧାନଙ୍କ ବାଲିଅନ୍ତାରେ ଥିବା ଏକ ଆପାର୍ଟମେଣ୍ଟର ଭଡା ଘରେ ଏବଂ ଧନେଶ୍ବର ସାହୁଙ୍କ ଘରେ ମଧ୍ୟ ଭିଜିଲାନ୍ସ ଟିମ୍ ଚଢ଼ଉ ଜାରି ରଖିଛି। ଏହି ଘଟଣାରେ ଭୁବନେଶ୍ବର ଭିଜିଲାନ୍ସ ପିଏସ୍ କେସ୍ ନଂ ୧୪/୨୦୨୦ ରେଜିଷ୍ଟର କରାଯାଇଛି ବୋଲି ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
