() ରାଜ୍ୟରେ ଗତ ମାସ ରେ 85 ଲକ୍ଷ ଟିକା କରଣ କରାଯାଇଛି । ବର୍ତ୍ତମାନ ସୁଦ୍ଧା ରାଜ୍ୟରେ 3 କୋଟି 16 ଲକ୍ଷ ଟିକା କରଣ ସରିଛି। ତେବେ ଏ ଯାଏଁ ସମୁଦାୟ ଲୋକରୁ 73 ଭାଗ ଲୋକ ପ୍ରଥମ ଡୋଜ ନେଇ ସାରିଛନ୍ତି । ସେହିପରି 29 ଭାଗ ଲୋକ ଡବଲ ଡୋଜ ନେଇଛନ୍ତି ।
ଡିସେମ୍ବର ସୁଧା ପ୍ରଥମ ଡୋଜ ଟିକା କରଣ ସାରିବାକୁ ଲକ୍ଷ ରଖାଯାଇଛି। ଯେଉଁ ମାନେ ଟିକା ନେବା ପାଇଁ ଟିକା କରଣ କେନ୍ଦ୍ରକୁ ଯାଇ ପାରୁନାହାନ୍ତି ତାଙ୍କ ପାଇଁ ସ୍ୱାସ୍ଥ୍ୟ ବିଭାଗ ଏକ ସ୍ଵତନ୍ତ୍ର ଯୋଜନା ପ୍ରସ୍ତୁତ କରୁଛି । ଏଥିପାଇଁ ପ୍ରତେକ ଜିଲାପାଳଙ୍କୁ ଚିଠି ଦିଆଯାଇଛି । ଏହାସହ ଆଜି ସନ୍ଧ୍ୟା ସୁଧା ଏକ ହେଲପ ଲାଇନ ନମ୍ବର ଜାରି କରାଯିବ। ସେମାନେ ଏହି ନମ୍ବରରେ କଣ୍ଟାକ୍ଟ କଲା ପରେ ତାଙ୍କ ଘରକୁ ମୋବାଇଲ ଭ୍ୟାନରେ ଯାଇ ତାଙ୍କୁ ଟିକା ଦେବ। ଏଥିରେ ଭିନ୍ନକ୍ଷମ ଓ ଯେଉଁମାନେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବା ଆସିବା କରି ପାରୁ ନଥିବେ ତାଙ୍କୁ ଅନ୍ତର୍ଭୁକ୍ତ କରାଯିବ।
ସାଧାରଣତଃ ଶିଶୁମାନେ ଶୀତ ଦିନରେ ଅଧିକ ଥଣ୍ଡାର ଶିକାର ହୋଇଥାନ୍ତି। ତେଣୁ ଘରେ ରହିଲେ ମଧ୍ୟ କେମିତି ଉଷୁମ ରହିବେ ତା ଉପରେ ଗୁରୁତ୍ୱ ଦେବା ଉଚିତ । ଏହାସହ ଘରର ଅନ୍ୟ ସଦସ୍ୟ ମାନେ ଟିକା ନେବା ସହ କୋଭିଡ ଗାଉଡ଼ ଲାଇନ ପାଳନ କଲେ ଶିଶୁମାନେ ନିରାପଦ ରହିବେ।ପରିବାର କଲ୍ୟାଣ ନିର୍ଦ୍ଦେଶକ
ବିଜୟ ପାଣିଗ୍ରାହୀ କହିଛନ୍ତି l
