ନିୟମ ଆଖିରେ ସମସ୍ତେ ସମାନ। ସେ ରାଜା ହେଉ କି ପ୍ରଜା । ସେଥିପାଇଁ ତ ଧର୍ମର ନିକିତି ଧାରୀଙ୍କ ଆଖିରେ କଳା କପଡା ବନ୍ଧା ହୋଇଥାଏ। ସେ ଯେମିତି ଧନୀ ଗରିବ, ପୁରୁଷ ମହିଳା ଏସବୁ ଦିଗକୁ ବାଛ ବିଚାର ନକରି ସତରେ ତାଙ୍କ ରାୟ ଦେଇପାରିବେ। ହେଲେ ଏବେ ସମୟ ବଦଳୁଛି । କିଛି କ୍ଷମତାଶାଳୀ ଲୋକ ନିଜର ଜାଗିର ଜାହିର କରିବାରେ ଲାଗିଛନ୍ତି । ସେ ନିୟମ ଯାହା ହେଉନା କାହିଁକି ।ଆମର କ୍ଷମତା ଅଛି ଆମେ ଯାହା କରିବୁ ସେଇଟା ଠିକ୍ । କେହି ଆମକୁ ବାଧା ଦେଇ ପାରିବେ ନାହିଁ। ଭାରି ଭୟଙ୍କର ମାନସିକତା ଭିତରେ ବଞ୍ଚୁଛନ୍ତି ସେମାନେ। ସେ ନେତା ହୁଅନ୍ତୁ , ଶିଳ୍ପପତି ହୁଅନ୍ତୁ, ଗଣ ମାଧ୍ୟମର ପ୍ରତିନିଧି ହୁଅନ୍ତୁ, ବା ଗାଁର ସାଧାରଣ ମଜୁରିଆଟେ ହେଉ। ଭୁଲ କରିଛ ମାନେ ଦଣ୍ଡ ସୁନିଶ୍ଚିତ । ଅବଶ୍ୟ ଏବେ ସେଥିରେ କିଛି ମାତ୍ରାରେ ଏବେ ବ୍ୟତିକ୍ରମ ଦେଖାଦେଲାଣି।
ଆସନ୍ତୁ ଓଡ଼ିଶାର ଏକ ଘଟଣାକୁ ନେଇ ଏ ଆଲୋଚନାକୁ ଆଗକୁ ବଢ଼ାଇବା। କିଛିଦିନ ହେବ ଓଡିଶା ସରକାର ଓ ରାଜ୍ୟର ଏକ ଗଣମାଧ୍ୟମ ସଂସ୍ଥା ମଧ୍ୟରେ ଖୁଲମ ଖୁଲା ଆରୋପ ପ୍ରତ୍ୟରୋପ ଲାଗିରହିଛି । କେତେବେଳେ ସରକାର କହୁଛନ୍ତି ଉକ୍ତ ଗଣମାଧ୍ୟମ ସରକାରଙ୍କୁ ଟାର୍ଗେଟ କରି ମିଛ ଖବର ପ୍ରସାରଣ କରୁଛି। ତ ଆଉ କେତେବେଳେ ଉକ୍ତ ଗଣମାଧ୍ୟମ ଅଭିଯୋଗ କରୁଛି ସରକାର ଆକ୍ରୋଶ ମୂଳକ ଭାବେ ସରକାରୀ କଳର ଅପବ୍ୟବହାର କରି ସଂସ୍ଥାକୁ ହଇରାଣ କରୁଛି । ଏଠି କିଏ ଠିକ୍ , ଆଉ କିଏ ଭୁଲ ? ତାହା ଏବେ ଜଳ ଜଳ ଦେଖାଗଲାଣି ।
ସବୁଠାରୁ ବଡ଼ ପ୍ରଶ୍ନ ହେଉଛି କଣ ଉକ୍ତ ଗଣମାଧ୍ୟମ ତାର ପରିସର ଭିତରେ ରହି କାମ କରୁଛି କି। ଯଦି ଜଣେ ପୁଙ୍ଖାନୁପୁଙ୍ଖ ଭାବରେ ସମୀକ୍ଷା କରିବ ତେବେ ଜାଣି ପାରିବ l ସବୁବେଳେ ସରକାର ବିରୋଧରେ ବିନା ତଥ୍ୟରେ ଉଡା ଖବର ପ୍ରସାରିତ କରିଆସୁଛି ଉକ୍ତ ଗଣମାଧ୍ୟମ ସଂସ୍ଥା । ଲୋକଙ୍କ ବିଶ୍ୱାସରେ ବିଷ ଦେଇ ସରକାରଙ୍କ ବିରୁଦ୍ଧରେ ବିଷ ମିଞ୍ଜି ବୁଣୁଛି। ମୁଁ ଗଣମାଧ୍ୟମର ପ୍ରତିନିଧି । ସବୁ ସୀମା ଲଙ୍ଘିବି। ଏଜେଣ୍ଡା ଅନୁସାରେ କାମ କରିବି। ହେଲେ ଆଇନ ଆଗରେ ଧରାପଡ଼ିଲେ ଗଣତନ୍ତ୍ରର ଦ୍ୱାହୀ ଦେଇ ସବୁ ବେଆଇନ କାମକୁ ଭଲ କାମ ବୋଲି ଚିତ୍କାର କରି କହିବି । ଏକ ନିଦ୍ଦିଷ୍ଟ ଗଣମାଧ୍ୟମର ପ୍ରତିନିଧିଙ୍କୁ ମହିଳା ବିରୋଧରେ ମିଥ୍ୟାପ୍ରଚାର କରି ଖବର କରିବା ଅଭିଯୋଗରେ ପୋଲିସ ପଚାର ଉଚରା କରିବା ନେଇ ଗଣମାଧ୍ୟମ ସଂସ୍ଥାର ପଛରେ ଥିବା କଳା ଚେହେରା ଓ ପ୍ରକୃତ ଉଦେଶ୍ୟ ପଦାକୁ ଆସିଛି । ଯାହାକୁ ନେଇ ଅସ୍ତବ୍ୟସ୍ତ ହୋଇ ଉକ୍ତ ଗଣମାଧ୍ୟମ ସଂସ୍ଥା ଏବେ ବାଉଳେଇବା ହେବା ସହ ତଦନ୍ତ କରୁଥିବା ଅଧିକାରୀଙ୍କୁ ବୁମ ଓ ମିଥ୍ୟାଖବର ଜରିଆରେ ଡ଼ରାଉଛନ୍ତି । ଯାହାକୁ ନେଇ ସମାଜର ବିଭିନ୍ନ ବର୍ଗର ବିଶିଷ୍ଟ ବ୍ୟକ୍ତି ପ୍ରଶ୍ନ ଉଠାଇବା ସହ ଗଣମାଧ୍ୟମର ନିରପକ୍ଷତାକୁ ନେଇ ଉଠିଛି ପ୍ରଶ୍ନ । ସବୁ ମହଲରେ ଦାବି ଯିଏ ଅପରାଧି ସେ ଦଣ୍ଡ ପାଉ । ନିଜକୁ ଓଡ଼ିଶାର ୧ ନମ୍ବର ଗଣମାଧ୍ୟମ ବୋଲି ଡ଼ିଣ୍ଡିବ ପୁଟୁଥିବା ସଂସ୍ଥା ଏବେ ସାଜିଛି ମିଛ ଖବରର କାରାଖାନା । ରାଜନୈତିକ ସ୍ୱାର୍ଥ ପାଇଁ ଏଜେଣ୍ଟ ସାଜିଛନ୍ତି ଖବରଦାତା । ମିଥ୍ୟା ଓ ଅପପ୍ରଚାର ଖବର ବ୍ରେଂକି ନ୍ୟୁଜ କରି କରାଯାଉଛି ପରିବେଷଣ । ଖବର ସତ୍ୟତା ଓ ଅନୁସନ୍ଧାନ ନକରି ଖବର ପରିବେଷଣ କରି ଲୋକଙ୍କୁ ଭୂଆଁ ବୁଲାଯାଉଛି । ମାଲିକଙ୍କ ଏଜେଣ୍ଡା ନେଇ କାମ କରୁଥିବା ଏହି ୧ ନମ୍ବର ଗଣମାଧ୍ୟମ ସଂସ୍ଥା । କେତେବେଳେ ସାଧାରଣ ଜନତାର ଇଜତ ସହ ତ କେତେବେଳେ ନେତା ଓ ଅଫିସରକୁ ଟାର୍ଗେଟ କରୁଛି । କୌଣସି ସତ୍ୟତା ନଥାଇ ବି ବ୍ରେଂକି ନ୍ୟୁଜ କରି ଟିଭରେ ଘନଘନ ପ୍ରସାରଣ କରାଯାଇଛି । ଆଉ ସତ୍ୟ ଯେତେବେଳେ ସାମ୍ନାକୁ ଆସୁଛି ସେତେବେଳେ ସଂସ୍ଥା ବାଉଳେଇ ହେଉଛି । ଗଣମାଧ୍ୟମର ସଂଜ୍ଞା, ସୀମା, ସବୁ ଭୂଲି ଅସତ୍ୟ ଖବରକୁ ସତ୍ୟରେ ପରିଣତ କରିବାକୁ ଗଳା ଫଟାଇ ଚିତକାର କରୁଛି । ଏଥିଲାଗି ସଂସ୍ଥା ସବୁ ନିୟମ ଓ ଆଇନ କାନୁନ ବି ଭୂଲୁଯାଉଛି । ଏଜେଣ୍ଟ ସାଜି ମିଥ୍ୟା ଖବର ପ୍ରସାରଣ କରିଥିବା ସାମ୍ବାଦିକଙ୍କ କଳା କାରନାମା ଯେତେବେଳେ ଧରାପଡ଼ିଯାଇଉଛି ଯେତେବେଳେ ତଦନ୍ତ ଅଧିକାରୀ ହେଉଛନ୍ତି ଟାର୍ଗେଟର ଶିକାର। ଖବର ସତ୍ୟକୁ ସାମ୍ନା ନକରି , ସତ୍ୟତା ଖୋଜୁଥିବା ପୋଲିସ ଓ ତଦନ୍ତକାରୀ କର୍ମଚାରୀଙ୍କ ନିଜର ଗଣମାଧ୍ୟମ ବୁମ ଜରିଆରେ ଖରାପ ବ୍ୟବହାର କରାଯାଇଛି । ଯାହାକି ଗୋଟିଏ ଅଧିକାରୀଙ୍କ ପାଖରେ ଦୁଇ ଦୁଇଟି ବୁମ ଲାଗିବା ଘଟଣାରୁ ସ୍ପଷ୍ଟ । ଗଣମାଧ୍ୟମ ଗଣଙ୍କ ସ୍ୱରକୁ ସରକାରଙ୍କ ପାଖରେ ନପହଞ୍ଚାଇ ଏଜେଣ୍ଡା ଅନୂୁସାରେ କାମ କରି ଲୋକଙ୍କ ଦ୍ୱାହୀ ଦେବାକୁ ନାପସନ୍ଦ କରିଛନ୍ତି ବରିଷ୍ଠ ସାମ୍ବାଦିକମାନେ । ଏହା ସହ ଗଣମାଧ୍ୟମରକାମ ହେଉଛି ଯଦି କିଛି ଭୁଲ ଅଛି ତାହା ସରକାରଙ୍କ ନଜରକୁ ଆଣିବା l ତେଣୁ ସରକାର ବି ଯଦି ସେମିତି କିଛି ଭୁଲ କରିଥିବା କଥା ଗଣମାଧ୍ୟମ ଦେଖାଉଛି ସେଥିରେ ସତର୍କ ହେବା ଆବଶ୍ୟକ l ଏହାଦ୍ୱାରା ସୁସ୍ଥ ହେବ ଗଣତନ୍ତ୍ର l ହେଲେ ତାହା ଦେଖାଯାଉନାହିଁ l
ବାରମ୍ବାର ମହିଳା ବିରୋଧରେ ଉକ୍ତ ସଂସ୍ଥା ଅପପ୍ରଚାର ରୁଥିବାରୁ ଏହାକୁ ବି ବିରୋଧ କରିଛନ୍ତି ନାରୀନେତ୍ରୀମାନେ । ତିଳକୁ ତାଳ କରି ଖବର ପରିବେଶଣ କରିବା, ସଜ ମାଛରେ ପୋକ ପକାଇବା ପରି ଖବର ତିଆରି କରିବା , ଆତ୍ମ ଗର୍ଵ ଜରିଆରେ ଟାର୍ଗେଟ କରିବା ଏ ସବୁ ଏବେ ଯେମିତି ପ୍ରମୁଖ କିଛି ଗଣ ମାଧ୍ୟମର ପେଶା ହୋଇଗଲାଣି । ସେମାନେ ଲୋକଙ୍କ ସମସ୍ୟା ଠାରୁ ଦୁରେଇ ଯାଇ ନିଜ ଭୁଲ ଘୋଡାଇବାକୁ ବ୍ୟଗ୍ରତା ଦେଖାଉଛନ୍ତି । କଥାରେ ଅଛି ଏ ଜନତା ସବ୍ ଜନତା ହେ ।
