() କଂଗ୍ରେସକୁ ଘାରିଛି ଘର ସଜାଡ଼ିବା ଚିନ୍ତା । ପ୍ରଭାରୀଙ୍କ କସରତ ପରେ ଦଳର ସଂଗଠନକୁ ନେଇ ମାନସ ମଥଂନ କରିବେ ହାଇକମାଣ୍ଡ । ଆସନ୍ତା ୯ ତାରିଖ ଦିନ ଦଳର ସମସ୍ତ ବିଧାୟକ, ପୂର୍ବତନ ପିସିସି ସଭାପତି ଓ ଦଳର ହେବିଓ୍ବେଟ ନେତାଙ୍କୁ ଭେଟିବେ କଂଗ୍ରେସ ଯୁବରାଜ ରାହୁଲ ଗାନ୍ଧୀ । ଦଳର ସଂଗଠନକୁ କିପରି ମଜବୁତ କରାଯିବ , କାହାକୁ ପିସିସି ସଭାପତି କରାଯିବ ଓ କଣ କରାଗଲେ ଦଳ ଓଡ଼ିଶାରେ ମଜବୁତ ହେବ ସେନେଇ ଦଳୀୟ ବିଧାୟକ ଓ ବରିଷ୍ଠ ନେତାଙ୍କ ସହ ଓ୍ବାନ ଟୁ ଓ୍ବାନ ଆଲୋଚନା କରିବେ ରାହୁଲ । ନେତାଏ ମଧ୍ୟ ଆଲୋଚନା ବେଳେ ସଂଗଠନର ଦୋଷ ଦୁର୍ବଳା ପ୍ରସଙ୍ଗ ଉଠାଇବେ ବୋଲି କହିଛନ୍ତି । ବିଧାୟକଙ୍କ ମଧ୍ୟରୁ ଜଣକୁ ପିସିସି ସଭାପତି କରିବା ପାଇଁ ଦାବି କରିଛନ୍ତି ବିଧାୟକମାନେ । ଏହାସହ କଂଗ୍ରେସ ବିଧାୟକ ଦଳ ଓ ମୁଖ୍ୟ ସେଚତକ ନେତା ସହ ତୃଣମୂଳ ସ୍ତରରୁ ସଂଗଠନ ପରିବତ୍ତର୍ନ କରିବା ପାଇଁ ବିଧାୟକମାନେ ଦାବି କରିବେ ବୋଲି କହିଛନ୍ତି । କଂଗ୍ରେସ ବିଧାୟକ ଦଳ ନେତା ପଦରୁ ନରସିଂହ ମିଶ୍ର ଇସ୍ତଫା ଦେଇଥିବା ଚର୍ଚ୍ଚା ହେଉଥିବା ବେଳେ ସଚେତକ ପଦରୁ ତାରା ପ୍ରସାଦ ବାହୀନପତି ଇସ୍ତଫା ଦେଇଛନ୍ତି । ବିଧାୟକ ପିସିସି ଚୌକି ପାଇଁ କଂଗ୍ରେସରେ ବିଭିନ୍ନ ଗୋଷ୍ଠି ମଧ୍ୟରେ ଲବି ଜୋରଦାର ହୋଇଛି । ବିଧାୟକ ଗୋଷ୍ଠୀ ବିଧାୟକଙ୍କ ମଧ୍ୟରୁ ଜଣକୁ ଦାବି କରିଛନ୍ତି । ଏହି ରସରେ ଆଗରେ ଅଛନ୍ତି କଂଗ୍ରେସ ବିଧାୟକ ମହମ୍ମଦ ମୋକିବ ଓ ତାରା ପ୍ରସାଦ ବାହୀନପତି । ସେହିପରି ସଭାପତି ରେସରେ ଶରତ ପଟ୍ଟନାୟକ, ଭକ୍ତ ଦାସ, ସାଂସଦ ସପ୍ତଗିରି ଉଲ୍ଲାକାଭ୍କ ନାଁ ଆଗରେ ରହିଛି । ତେବେ ହାଇକମାଣ୍ଡ କାହାକୁ ପିସିସି ମଙ୍ଗ ଧରାଉଛି ତାହାକୁ ନେଇ କଂଗ୍ରେସ ରାଜନୀତି ଉଷ୍ମ ।
