- Advertisement -
ଭୁବନେଶ୍ୱର : ରାଜ୍ୟରେ ଗତ କିଛି ଦିନ ହେବ କୋହଲା ପାଗ ସାଙ୍ଗକୁ ଶୀତର ଲହରି ଜାରି ରହିଛି । ଶୀତର ପ୍ରକୋପ ଅତ୍ୟଧିକ ରହିଥିବାରୁ ଜନଜୀବନ ଉପରେ ମଧ୍ୟ ପ୍ରଭାବ ପଡିଛି । ପାଣିପାଗ ବିଭାଗର ସୂଚନା ଅନୁସାରେ ଓଡ଼ିଶା ଉପରେ ଏକ ଟ୍ରାପ ଲାଇନ ରହିଛି । ପ୍ରଭାବରେ ରାଜ୍ୟର କେତକ ସ୍ଥାନରେ ହାଲକା ବର୍ଷା ଅନୁଭୁତ ହୋଇଛି ।
କେନ୍ଦୁଝରରେ ସର୍ବଧିକ ୫.୮ମି.ମି ବର୍ଷା ରେକର୍ଡ ହୋଇଛି । ସୁନ୍ଦରଗଡ, କେନ୍ଦୁଝର, ଅନୁଗୁଳ, ଡେଙ୍କାନାଳ, ମୟୁରଭଞ୍ଜ, ପୁରୀ, କଳାହାଣ୍ଡି, କନ୍ଧମାଳ ଜିଲାରେ କୁହୁଡି ସହିତ ଶୀତ ପ୍ରବଳ ହେଉଛି । ଜାନୁୟାରୀ ଦ୍ୱିତୀୟ ସପ୍ତାହ ପର୍ଯ୍ୟନ୍ତ ଏଭଳି ଶୀତ ଲହରି ଜାରି ରହିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
