ଭୁବନେଶ୍ୱର : ବିଜେଡିର ମହିଳା ସଶକ୍ତିକରଣ ଅଭିଯାନ ।ସବୁବେଳେ ମହିଳା ଭୋଟବ୍ୟାଙ୍କକୁ ପ୍ରଧାନ୍ୟ ଦେଉଥିବା ବିଜେଡି ମହିଳା ଭୋଟକୁ ନିଜ ହାତରେ ସୁରକ୍ଷିତ ରଖିବା ପାଇଁ ପ୍ରଚାରର ଭିନ୍ନ ତରିକା ଆପଣାଇଛି ।ଏଥିପାଇଁ ଦଳ ପ୍ରସ୍ତୁତ କରିଛି ସ୍ୱତନ୍ତ୍ର ଡିଜିଟାଲ କ୍ୟାଲେଣ୍ଡର । ଏହି କ୍ୟାଲେଣ୍ଡରର ପ୍ରତିଟି ପୃଷ୍ଠାର ଉପରେ ମହିଳାଙ୍କ ଫୋଟୋ ଥିବା ବେଲେ ତଳେ ରହିଛି ମୁଖ୍ୟମନ୍ତ୍ରୀଙ୍କ ଫୋଟ ।ପ୍ରତିଟି ପୃଷ୍ଠାରେ ମହିଳାଙ୍କ ପାଇଂ ଥିବା ସରକାରୀ ଯୋଜନା ସବୁ ଉଲ୍ଲେଖ ରହିଛି । କ୍ୟାଲେଣ୍ଡରର ୧୨ ମାସ ଅନୁସାରେ ୧୨ଟି ପ୍ରମୁଖ ଯୋଜନା ସ୍ଥାନ ପାଇଛି । ତେବେ ବିଜେଡିର କାହିଁକି ଏ ମହିଳା କ୍ୟାଲେଣ୍ଡର? ରାଜ୍ୟରେ ମୋଟ ୩କୋଟି ୨୫ ଲକ୍ଷ ୪୮ ହଜାର ୭୭୪ ଭୋଟର ଥିବା ବେଳେ ମହିଳା ଭୋଟରଙ୍କ ସଂଖ୍ୟା ହେଉଛି ୧କୋଟି ୫୯ ଲକ୍ଷ ୨୨ ୭୫ ହେଉଛନ୍ତି ମହିଳା ଭୋଟର । ବିଜେଡି କେବେ ବି ମହିଳା ଭୋଟରଙ୍କୁ ହାତ ଛାଡ କରିବାକୁ ଚାହେଁ ନାହିଁ । ମହିଳା ଭୋଟର ହେଉଛି ବିଜେଡିର ସବୁଠୁ ବଡ ଶକ୍ତି । ମିଶନଶକ୍ତିରେ ୮୦ ଲକ୍ଷ ମହିଳା ସାମିଲ ହେଲେଣି । ସଂସଦ ଏବଂ ବିଧାନସଭାରେ ୩୩ ପ୍ରତିଶତ ମହିଳାଙ୍କୁ ସ୍ଥାନ ଦେବା ପାଇଂ ଜାତୀୟ ସ୍ତରରେ ବିଜେଡି କ୍ୟାମ୍ପେନ କରୁଛି । 
୨୦୦୯ ବିଧାନସଭା ନିର୍ବାଚିନରେ ୧୪୭ ନିର୍ବାଚନ ମଣ୍ଡଳିରେ ବିଜେଡିର ମହିଳା ପ୍ରାର୍ଥୀ ଥିଲେ ୮ ଜଣ । ହାରାହାରି ହିସାବ ଦେଖିଲେ ୫ ପ୍ରତିଶତ । ୨୦୧୪ରେ ୧୪୭ ନିର୍ବାଚନ ମଣ୍ଡଳୀରେ ୧୫ ଜଣ ମହିଳାଙ୍କୁ ଟିକଟ ଦେଇଥିଲା । ହାରାହାରି ହିସାବ କଲେ ୧୦ ପ୍ରତିଶତ ।୨୦୧୯ରେ ମାତ୍ର ୨୦ ଜଣ ମହିଳାଙ୍କୁ ପ୍ରାର୍ଥୀ କରିଥିଲା ଦଳ ଯାହାର ପ୍ରତିଶତ ହେଉଚି ୧୪ । ତେବେ ୨୧ ଲୋକ ସଭା ସିଟରେ ୮ ଜଣ ମହିଳାଙ୍କୁ ଦଳ ଛିଡା କରିଥିଲା ଯାହା ହେଉଛି ୩୩ ପ୍ରତିଶତ । ତେବେ ଏ କ୍ୟାଲେଣ୍ଡରକୁ ନେଇ ଦଳ ଯୁକ୍ତି କରିଛି ମୋଟ ଜନ ସଂଖ୍ୟାର ୫୦ ପ୍ରତିଶତ ହେଉଛନ୍ତି ମହିଳା । ତେଣୁ ସେମାନଙ୍କ ସାମାଜିକ ଏବଂ ଆର୍ଥିକ ବିକାଶ ହେଲେ ଦେଶର ବିକାଶ ହୋଇପାରିବ ।
