ଯାଜପୁର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ନିର୍ଦ୍ଦେଶ ଅନୁସାରେ ଯାଜପୁରରେ ୟାସ୍ ବାତ୍ୟା ମୁକାବିଲା କରିବା ପାଇଁ ଜୋରଦାର ପ୍ରସ୍ତୁତି କରାଯାଇଛି । ଯାଜପୁର ପୌର ପରିଷଦର ପୂର୍ବତନ ଅଧ୍ୟକ୍ଷ ତଥା ଯୁବ ବିଜେଡ଼ିି ନେତା ଭବ ପ୍ରସାଦ ଦାସ (ଲଲ) ଯାଜପୁର ଜିଲ୍ଳା ପ୍ରଶାସନ ସହ ମିଶି ଲୋକଙ୍କ ଜୀବନ ସୁରକ୍ଷା ଉପରେ ଗୁରୁତ୍ୱ ଦେଇଛନ୍ତି । ବିଭିନ୍ନ ବତ୍ୟା ଆଶ୍ରୟସ୍ଥଳି ବୁଲି ସବୁ ଭିତ୍ତିଭୂମି ତଦାରଖ କରିବା ସହ ଲୋକମାନେ କିପରି ସୁବିଧାରେ ସେଠାରେ ରହିବେ ସେନେଇ ଜିଲ୍ଳା ପ୍ରଶାସନ ସହ ଆଲୋଚନା କରିଛନ୍ତି । ବିଶେଷକରି ତଳିଆ ଅଂଚଳର ଲୋକମାନଙ୍କୁ ସୁରକ୍ଷତି ସ୍ଥାନକୁ ସ୍ଥାନାସ୍ତରିତ କରିବା ନେଇ ଲୋକଙ୍କ ପାଖକୁ ଯାଇ ବୁଝାସୁଝା କରୁଛନ୍ତି ଭବ । ଏହାସହ ଲୋକମାନେ କିପରି ଆଶ୍ରୟସ୍ଥଳରେ ରନ୍ଧାଖାଦ୍ୟ, ଶୁଖିଲା ଖାଦ୍ୟ, ମହବତୀ, ଔଷଧ, ପାଣି, ଓ କରୋନା କଟକଣା ଭିତରେ ରହିବେ ତାହାର ସେ ତଦାରଖ କରିଛନ୍ତି । ଏହାସହ ଜିଲ୍ଳାପ୍ରଶାସନକୁ ସହଯୋଗ କରିବା ପାଇଁ ଯାଜପୁରବାସୀଙ୍କୁ ଅପିଲ କରିଛନ୍ତି । ସଫଳତାର ସହ କିପରି ବତ୍ୟା ମୁକାବିଲାର ପ୍ରସ୍ତୁତ କରାଯାଇଛି ଏନେଇ ଯାଜପୁର ବିଧାୟକ ତଥା ବିଜେଡ଼ି ସଂଗଠନ ସମ୍ପାଦକଙ୍କ ସହ ଘନଘନ ଆଲୋଚନା କରି ରିପୋର୍ଟ ମଧ୍ୟ ଦେଉଛନ୍ତି । ବିଶେଷକରି ମହାମାରୀ ସମୟରେ ବାତ୍ୟା ମୁକାବିଲାକୁ ଚ୍ୟାଲେଜଭାବେ ଗ୍ରହଣ କରି କାମ କରିବାକୁ ବିଜେଡ଼ି କର୍ମୀ ଓ ନେତାଙ୍କୁ ଏକାଠି କରି ଜନସେବା କାର୍ଯ୍ୟରେ ସାମିଲ ହୋଇଛନ୍ତି । ଯାଜପୁରବାସୀଙ୍କ ସୁଖ ଦୁଃଖରେ ସବୁବେଳେ ଛିଡ଼ା ହୋଇଥିବା ବିଧାୟକ ପ୍ରଣବ ପ୍ରକାଶ ଦାସ ଓ ଭବ ପ୍ରସାଦ ଦାସ “ୟାସ’ ସମୟରେ ଯାଜପୁରବାସୀଙ୍କ ସହ ରହି ସାହସ ଦେଇଛନ୍ତି । ଯାଜପୁରବାସୀ ଏକାଠି ହୋଇ ଲଢିଲେ ବାତ୍ୟା ଲଢେଇରେ ଆମେ ନିଶ୍ଚିତ ଜିତିବା ବୋଲି ପୂର୍ବତନ ପୌରାଧକ୍ଷ ଭବ ପ୍ରସାଦ କହିଛନ୍ତି ।
