() ମନରେ ମୁଖ୍ୟମନ୍ତ୍ରୀ ଗୋଟିଏ କଥା । ସାଢେ ଚାରିକୋଟି ଓଡ଼ିଶାବାସୀ ଆମର ପରିବାର । ସେମାନଙ୍କ ସୁରକ୍ଷା ଯୋଗାଇଦେବା ଆମର ଲକ୍ଷ । ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାର୍ତ୍ତାକୁ ନେଇ ବର୍ଷା, ପବନ ଓ କରୋନାକୁ ଖାତିର ନକରି ଜନସେବାରେ ଳାଗିିଛି ପୁରା ଶାସକ ଦଳ । ଗ୍ରାଉଣ୍ଡରେ ଯାହାର ନେତୃତ୍ୱ ନେଉଛନ୍ତି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ(ବବି) । ବାତ୍ୟା ୟାସ୍ ପ୍ରଭାବିତ ଜିଲ୍ଳାଗୁଡ଼ିକୁ ଘନଘନ ଗସ୍ତ କରି ସ୍ଥାନୀୟ ବିଧାୟକ, ନେତା ଓ କର୍ମୀଙ୍କକ ସହ ଆଲୋଚନା କରି ଦାୟିତ୍ୟ ବଣ୍ଟନ କରୁଛନ୍ତି । ଏହାସହ ବାତ୍ୟା ମୁକାବିଲା ନେଇ ହୋଇଥିବା ସବୁ ପ୍ରସ୍ତୁତିର ମଧ୍ୟ ସମୀକ୍ଷା କରୁଛନ୍ତି । ପ୍ରଶାସନର ସହଯୋଗରେ ବାତ୍ୟାକୁ ସଫଳତାର ସହ ମୁକାବିଲା କରିବା ପାଇଁ ପ୍ରସ୍ତୁତ ହୋଇଥିବା ଲମ୍ବା ବ୍ଲୁପ୍ରିଣ୍ଟ କାର୍ଯ୍ୟର ଅଗ୍ରଗତିକୁ ମଧ୍ୟ ପ୍ରତି ମିନିଟରେ ସମୀକ୍ଷା କରାଯାଉଛି । ପ୍ରଥମ ଫୋକସରେ ରହିଚି ଲୋକମାନଙ୍କୁ କିପରି ଏହି ମହାମାରୀ ସମ୍ପର୍କରେ ବୁଝାସୁଝା କରି ନିରାପଦ ସ୍ଥାନକୁ ସ୍ଥାନାସ୍ତରିତ କରିବା । ବାତ୍ୟା ଆଶ୍ରୟସ୍ଥଳୀ ଓ ପକ୍କା ଘରକୁ ନେବା । ଆଉ ସେଠାରେ କେମିତି ଲୋକଙ୍କୁ ସବୁ ସୁବିଧା ସୁଯୋଗ ଯୋଗାଇ ଦିଆଯିବ ତାହାର ଘନଘନ ସମୀକ୍ଷା କରୁଛନ୍ତି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି) । ଶାସକ ଦଳର ନେତା ଓ କର୍ମୀଙ୍କ ବାତ୍ୟା ୟାସର ମୁକାବିଲା ପାଇଁ ଅଧିକରୁ ଅଧିକ ସାମିଲ କରି ଜନସେବାରେ ସେ ଲଗାଇଛନ୍ତି । ତିନିଦିନ ହେବ ଦିନ ରାତି ଏକ କରି ବିଜେଡ଼ି ପ୍ରଣବ ଗ୍ରାଉଣ୍ଡରେ କାମ କରିଚାଲିଛନ୍ତି । ଯାଜପୁର, ଭଦ୍ରକ, ବାଲେଶ୍ୱର, ମୟୁରଭଞ୍ଜ, କେନ୍ଦୁଝର, କେନ୍ଦ୍ରପଡ଼ା ,ଜଗତସିଂହପୁର ଜିଲ୍ଲାକୁ ତୋଫାନି ଗସ୍ତ କରି ପୁରା ବିଜେଡ଼ିକୁ ମୁକାବିଲାରେ ସାମିଲ କରାଇ ଲୋକଙ୍କକୁ ସଚେତନ କରିବା ସହ ନିରାପଦ ସ୍ଥାନକୁ ସ୍ଥାନାସ୍ତରିତ କରୁଛନ୍ତି । ବାତ୍ୟାର ପୂର୍ବ ପ୍ରସ୍ତୁତି ଓ ପର ମୁକାବିଲା ନେଇ ବିଜେଡ଼ି ବିଧାୟକ , ନେତା ଓ କର୍ମୀଙ୍କୁ ଅବଗତ କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମୁକାବିଲା ରଣନୀତି ସଫଳ କରିବା ପାଇଁ ପ୍ରଣବ ସବୁକିଛି ଭୂଲିଯାଇ କାମ କରୁଛନ୍ତି । ଏହାସହ ବିଭିନ୍ନ ତଳିଆ ଅଂଚଳରେ ପହଞ୍ଚି ଲୋକଙ୍କୁ ସଚେତନ କରିବା ସହ ଲୋକଙ୍କ ସହ ପୁରା ସରକାରୀ କଳ ଓ ବିଜେଡ଼ି ରହିଛି ସେ ସାହସ ଦେଉଛନ୍ତି ।
ସବୁବେଳେ ଜନସେବାକୁ ଜୀବନର ମୂଳମନ୍ତ୍ର କରିଥିବା ପ୍ରଣବ ମହାମାରୀ କରୋନା ଓ ଏବେ ୟାସ ବାତ୍ୟାବେଳେ ଯେପରି ଗ୍ରାଉଣ୍ଡକୁ ଯାଇ ଲୋକସେବାରେ ଲାଗିଛନ୍ତି ତାହାକୁ ବିଭିନ୍ନ ମହଲରେ ପ୍ରଶଂସା କରାଯାଉଛି । ବିପଦ ସମୟରେ ଲୋକଙ୍କକ ସହ ସାମିଲ ହୋଇ ସେମାନଙ୍କ ସୁଖ ଦୁଃଖର ସାଥି ହେବାକୁ ପ୍ରଣବ ନେତା ଓ କର୍ମୀଙ୍କୁ କହିବା ସହ ନେତାଙ୍କୁ ଯେଉଁ ଦାୟିତ୍ବ ଦେଇଛନ୍ତି ତାହା ନେତାଏ ସଠିକ ଭାବେ କରୁଛନ୍ତି କି ନାହିଁ ତାହାର ସମୀକ୍ଷା କରି ତାଗିତ ମଧ୍ୟ କରୁଛନ୍ତି । ସବୁଭୂଲି ଏବେ କେମିତି ରାଜ୍ୟବାସୀଙ୍କୁ ଏହି ମହାବିପତ୍ତିରୁ ରକ୍ଷା କରାଯାଇ ପାରିବ ସେନେଇ ସେ ବିଧାୟକ, ସାଂସଦ,ମନ୍ତ୍ରୀ, ଛାମୁଆ ସଂଗଠନର କର୍ମକର୍ତ୍ତା, ଦଳୀୟ କର୍ମୀଙ୍କ ସହ ମିଶି ଲୋକଙ୍କୁ ସାହାର୍ଯ୍ୟ ଓ ସହଯୋଗ କରୁଛନ୍ତି । ବାତ୍ୟା ପୂର୍ବରୁ ସ୍ଥାନାସ୍ତରିତ ଓ ବାତ୍ୟାପରେ କିପରି ଉଦ୍ଧାରକାର୍ଯ୍ୟ ଯୁଦ୍ଧକାଳିନ ଭିତ୍ତିରେ ହେବ ଓ ସେଥିରେ ଜନପ୍ରତିନିଧି ଓ ଦଳୀୟ କର୍ମକର୍ତ୍ତାଙ୍କ କର ଭୂମିକା ରହିବ ସେନେଇ ବି ଦଳୀୟ ନେତା ଓ କର୍ମୀଙ୍କ ସହ ପ୍ରଣବ ଘନଘନ ବୈଠକ କରି ଆଲୋଚନା ଜାରୀ ରଖିଛନ୍ତି । ଏକାଠି ହୋଇ ଲଢି ମହାବାତ୍ୟାକୁ ସଫଳତାର ସହ ମୁକିବିଲା କରିବା ସହ ମୁଖ୍ୟମନ୍ତ୍ରୀ ଜିରୋ କାଜୁଆଲିଟି ଉପରେ ଯେଉଁ ଫୋକସ କରିଛନ୍ତି ତାହାକୁ ସଫଳ କରିବା ପାଇଁ ପ୍ରଣବ ଫୁଲ ଦମରେ ଲାଗିପଡ଼ିଛନ୍ତି ।
ଯେତେବେଳେ ବି ରାଜ୍ୟବାସୀ ବିପଦରେ ପଡ଼ିଛନ୍ତି । ସେତେବେଳେ ନବୀନ ଦ୍ଦୂତ ହୋଇ ବିଜେଡ଼ି ନେତାମାନେ କିପରି ଲୋକଙ୍କ ସହ ରହିବେ ସେ ଦାୟିତ୍ୱ ନେଉଛନ୍ତି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି) । ଯେଉଁଥି ପାଇଁ ୧୯୯୯ ମସିହା ମହାବାତ୍ୟା ପରେ ଯେତେଗୁଡ଼ିଏ ବାତ୍ୟା ଆସିଛି ତାହାକୁ ଓଡ଼ିଶା ସଫଳତାର ସହ ମୁକାବିଲା କରିଛି । ଯେଉଁଥି ପାଇଁ ପ୍ରାକୃତିକ ବିପର୍ଯ୍ୟୟ ମୁକାବିଲାରେ ଓଡ଼ିଶାରେ ସାରା ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରି ଅନ୍ୟମାନଙ୍କୁ ବାଟ ଦେଖାଇଛି । କାରଣ ନବୀନଙ୍କ ଓ ତାଙ୍କ ପୁରା ଟିମ କଥାରେ ନୁହେଁ, କାମରେ ବିଶ୍ୱାସ କରନ୍ତି । ସେଥିପାଇଁ ତ ବିଜେଡ଼ି ନେତାଏ ସବୁବେଳେ କହନ୍ତି ସାଢେ ଚାରିକୋଟି ଓଡ଼ିଶାବାସୀ ବିଜେଡ଼ି ପରିବାର । ଆଉ ଏହି ପରିବାର ହେଉଛି ବିଜେଡ଼ିର ବଳ । ସେପଟେ ବଙ୍ଗୋପସାଗରୁ ସ୍ଥଳଭାଗ ଆଡ଼କୁ ବାତ୍ୟା ୟାସ ଯେପରି ମାଡ଼ିଆସୁଛି । ବାଲେଶ୍ୱର-ଧାମରା ମଧ୍ୟରେ ଏହା ଲାଣ୍ଡଫଲ କରିବ । କିଏ କିଏ ଭିତରକନିଆ ଦେଇ ଯିବାର ସମ୍ଭାବନା ବି ଆକଳନ କରିଛନ୍ତି । ଘଣ୍ଟାକୁ ୧୭ କିମି ବେଗରେ ଆସୁଛି । ଆସନ୍ତାକାଲି ସକାଳେ ବାତ୍ୟା ୟାସ ଧାମରା –ବାଲେଶ୍ୱର ଦେଇ ଗତି କରିବ । ୟାସ ମହାବତ୍ୟା ହୋଇନଥିଲେ ମଧ୍ୟ ଏହାର ପ୍ରବଳ ପ୍ରଭାବ ରହିଛି । ଯାହା ଫଳରେ ପ୍ରବଳ ବର୍ଷା ଓ ପବନ ହେବା ଘର ଅନେକ କ୍ଷୟକ୍ଷତି ହେବାର ଆକଳନ କରାଯାଇଛି । ବାତ୍ୟା ପାଇଁ ୭ଲକ୍ଷ ଲୋକଙ୍କୁ ସୁରକ୍ଷତି ସ୍ଥାନକୁ ସ୍ଥାନାସ୍ତରିତ କରିବା ପ୍ରୟାସ ଜାରୀ ରହିଛି । ଖାସ ଏଥିଲାଗି ପ୍ରଣବ ପ୍ରଭାବିତ ଜିଳ୍ଲାଗସ୍ତ କରି ପୁରା ବିଜେଡ଼ିଟିମକୁ ଜନସେବାରେ ଲଗାଇଛନ୍ତି ।
