କୋରାପୁଟ: ଭାରତରତ୍ନ ଡ଼ଃ.ବାବାସାହେବ ବି.ଆର୍.ଆମ୍ବେଦକର୍ ଙ୍କ ୧୨୯ତମ ଜୟନ୍ତୀ ପାଳନ ଅବସରରେ ସୁନାବେଡା ହାଲ ଅନୁସୂଚିତ ଜାତି ଓ ଜନଜାତି କର୍ମଚାରୀ ତଥା ଅଫିସର୍ଶ ଆସୋସିଏସନ ପକ୍ଷରୁ ଏକ ରକ୍ତଦାନ ଶିବିରର ଆୟୋଜନ କରାଯାଇଥିଲା । ତାଲାବନ୍ଦ ପରିସ୍ଥିତିରେ କୋରାପୁଟ ରକ୍ତ ଭଣ୍ଡାରରେ ଦେଖାଦେଇଥିବା ରକ୍ତର ଅଭାବକୁ ପୂରଣ କରିବା ଉଦେଶ୍ୟନେଇ ଜିଲ୍ଲା ରକ୍ତଦାତା ଓ ପ୍ରବର୍ତ୍ତକ ଫୋରମ ପକ୍ଷରୁ ଆରମ୍ଭ କରାଯାଇଥିବା ଭ୍ରାମ୍ଯମାଣ ରକ୍ତସଂଗ୍ରହ ଅଭିଯାନର ଏକାଦଶ ଦିବସରେ ରକ୍ତସଂଗ୍ରହ ଯାନ ସୁନାବେଡାର ମିଗନଗରୀରେ ପହଂଚି ଥିଲା । ଏହି ଅବସରରେ ସର୍ବ ପ୍ରଥମେ ଡ଼ଃ ଆମ୍ବେଦକରଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହ ଭକ୍ତିପୂତ୍ତ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ଆସୋସିଏସନର ସଭାପତି ପି.ବି.ସୋରେନ, ସମ୍ପାଦକ ସୁବାଷ ଚନ୍ଦ୍ର ସେଠି, ରକ୍ତ ଭଣ୍ଡାର ଅଧିକାରୀ ଡ଼ଃ.ମଧୁସୁଦନ ବଳିୟାରସିଂ, ଫୋରମ ସଭାପତି ଜି.ସଂଜୀବକୁମାର ପ୍ରଥମେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଉକ୍ତ ଭ୍ରାମ୍ୟମାଣ ରକ୍ତଦାନ ଶିବିରରେ ହାଲ୍ ଅନୁସୂଚିତ ଜାତି ଓ ଜନଜାତି ଆସୋସିଏସନର ବରିଷ୍ଟ କର୍ମକର୍ତା ବିରିଆ ହେମ୍ବ୍ରମ, ମନୋଜ କୁମାର ଶୀରିକା,ମନୋରଞ୍ଜନ ସେଠି,ବିଚା ଓରାମ,ପ୍ରଶାନ୍ତ କୁମ୍ଭୀର,ସାନୁ ମୁଣ୍ଡା,ସୁରେଶ କୁମାର ନାୟକ,ସୁରଜ ଖଡିଆ,ପ୍ରସନ୍ନ କଟପାଲି,ଜୟ ସରକାର ଏବଂ ପ୍ରମୋଦ କିଣ୍ଡୋଙ୍କ ସମେତ ଅନ୍ୟାନ୍ୟ ସଦସ୍ୟ ମାନେ ତାଲାବନ୍ଦର ନିୟମ ମାନି ସାମାଜିକ ଦୂରତ୍ୱ ରକ୍ଷାକରି ଅତି ଶୃଙ୍ଖଳୀତ ଭାବରେ ରକ୍ତଦାନ କରିଥିଲେ । ଜିଲ୍ଲା ରକ୍ତଦାତା ସଂଘର କର୍ମକର୍ତା ଜି.ସଂଜୀବ କୁମାର,ରାଜେଶ ଯାଦବ,ଶେଖ ଇବ୍ରାହିମ,ଶାହେଦା ପରବିନ,ଗୋବିନ୍ଦ ବଲ୍ଲଭ ପାଢୀ, ସ୍ୱରାଜ ରାୟ, ଭ୍ରାମ୍ୟମାଣ ଶିବିରର ପରିଚାଳନା କରିଥିବା ବେଳେ ଡ଼ଃ ଉମା ଶଙ୍କର ପ୍ରସାଦ ପାତ୍ର,ଦୁର୍ଗା ପ୍ରସାଦ ପାତ୍ର, ଆନନ୍ଦମୌଳି ପଟ୍ଟନାୟକ,ଗଣେଶ ଚନ୍ଦ୍ର ସାହୁ, ମମତା ମହାକୁଡ,ଲକ୍ଷ୍ମଣ ମୂଥାଇ,ରାମଦାଶ କିସକୋ, ମାର୍ଶଲ ରାମ ହାଁସଦା ସହଯୋଗ କରିଥିଲେ । କୋରାପୁଟ ରକ୍ତ ଭଣ୍ଡାର ଅଧିକାରୀ ଡାକ୍ତର ମଧୁସୁଦନ ବଳିଆରସିଂଙ୍କ ତତ୍ୱାବଧାନରେ ରକ୍ତ ଭଣ୍ଡାରର ସହକର୍ମୀ ମାନେ ଭ୍ରାମ୍ୟମାଣ ରକ୍ତ ସଂଗ୍ରହ ଯାନକୁ ସମ୍ପୂର୍ଣ ସେନେଟାଇଜ କରି ରକ୍ତ ସଂଗ୍ରହ କରିଥିଲେ ।ଏହି ଅବସରରେ ମୋଟ ୫୫ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ।
